ព្រឹកថ្ងៃទី០៨ ខែធ្នូ ឆ្នាំ២០២៣ នៅសាលប្រជុំសាលាស្រុកបាភ្នំ ឯកឧត្តម អន ភារៈ អភិបាលរង នៃគណៈអភិបាលខេត្ត តំណាងដ៏ខ្ពស់ខ្ពង់ ឯកឧត្តម សួន សុម៉ាលីន អភិបាលខេត្ត បានអញ្ជើញជាអធិបតីក្នុងពិធីប្រកាសតែងតាំង លោក ជិន សាម៉ុន ឋានន្តរស័ក្តិនាយក្រមការ ថ្នាក់លេខ៦ ឲ្យកាន់មុខដំណែងជាអភិបាលរង នៃគណៈអភិបាលស្រុកបាភ្នំ ខេត្តព្រៃវែង។ បន្ទាប់ពីប្រគល់ជូនអនុក្រឹត្យរួច លោក ជិន សាម៉ុន ដែលទើបតែប្រកាសតែងតាំងមុខតំណែងជាអភិបាលរង នៃគណៈអភិបាលស្រុកបាភ្នំថ្មី បានឡើងប្ដេជ្ញាចិត្ត ជូនចំពោះគណៈអធិបតី និងអង្គពិធីទាំងមូល ប្រឹងប្រែងខិតខំបំពេញការងារនៅក្នុងអង្គភាព និងបម្រើប្រជាពលរដ្ឋឲ្យកាន់តែម៉ត់ចត់ និងមានប្រសិទ្ធិភាពខ្ពស់។
