Month: September 2024

សមាគមសារព័ត៌មានចំនួន៣ ប្រតិកម្មចំពោះការមិនផ្តល់តម្លៃចំពោះ «ធម្មនុញ្ញវិជ្ជាជីវៈសារព័ត៌មាន» ពីមន្ត្រីអង្គការសហប្រជាជាតិ ចេញផ្សាយ ថ្ងៃទី ១៨ ខែ កញ្ញា ឆ្នាំ ២០២៤ សមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា សមាគមសម្ព័ន្ធសារព័ត៌មានគេហទំព័រកម្ពុជា និងសមាគមអ្នកសារព័ត៌មានយុវជន បានបង្ហាញការមិនគាំទ្រចំពោះការអំពាវនាវរបស់មន្ត្រីអង្គការសហប្រជាជាតិ ដែលបានស្នើសុំឱ្យមានការព្យួរការអនុវត្ត «ធម្មនុញ្ញវិជ្ជាជីវៈសារព័ត៌មាន» កាលពីថ្ងៃទី១២ ខែកញ្ញា ឆ្នាំ២០២៤ ។ សមាគមសារព័ត៌មានទាំង៣ បានរិះគន់ការអំពាវនាវខាងលើនេះថា ជាការមិនឱ្យតម្លៃលើឆន្ទៈ និងការឯកភាពជារួម របស់សមាគមសារ ព័ត៌មាន អ្នកសារព័ត៌មាន និងដៃគូពាក់ព័ន្ធ ទាំងអស់ដែលបានខិតខំតាក់តែងធម្មនុញ្ញវិជ្ជាជីវៈសារព័ត៌មាននេះឡើង។ ការអំពាវនាវរបស់មន្ត្រីអង្គការសហប្រជាជាតិ នាពេលនេះ គឺជាការបរាជ័យមួយដ៏ធំ ។ យោងតាមសេចក្តីថ្លែងការណ៍រួមចុះថ្ងៃទី១៨កញ្ញា ដោយលោកប៉ូវ បូរីណា លោក ទូច ប៉ែត និងលោកហោ គន្ធា បានសរសេរថា «ធម្មនុញ្ញវិជ្ជាជីវៈសារព័ត៌មាន» ពិតជាមានសារប្រយោជន៍ធំធេង និងជាគុណតម្លៃមួយដ៏ប្រសើរជាទីបំផុត សម្រាប់ធ្វើការតម្រង់ទិស អ្នកសារព័ត៌មានប្រកបអាជីព និងមិនអាជីព និងភាគីពាក់ព័ន្ធលើការងារព័ត៌មាន ឱ្យអនុវត្តទៅបានល្អនូវក្រមសីលធម៌ និងវិជ្ជាជីវៈ។ លើសពីនេះទៅទៀត «ធម្មនុញ្ញវិជ្ជាជីវៈសារព័ត៌មាន» ដែលបានប្រកាសឱ្យប្រើប្រាស់កន្លងទៅដោយក្រសួងព័ត៌មាន […]

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញចុះហត្ថលេខាលើកិច្ចព្រមព្រៀងសហប្រតិបត្តិការរវាងក្រសួងពាណិជ្ជកម្ម នៃព្រះរាជាណាចក្រកម្ពុជា និងអង្គការកម្មសិទ្ធិបញ្ញាពិភពលោក (WIPO) សម្រាប់ការអភិវឌ្ឍសេវាធុរកិច្ចសម្រាប់អង្គភាពកម្មសិទ្ធិបញ្ញា នាព្រឹកថ្ងៃទី១៨ ខែកញ្ញា ឆ្នាំ២០២៤ នៅរដ្ឋធានីវៀងច័ន្ទន៍ សាធារណរដ្ឋប្រជាធិបតេយ្យប្រជាមានិតឡាវ។ រូបថត៖ ក្រសួងពាណិជ្ជកម្ម

ឯកឧត្តម នាយឧត្តមសេនីយ៍ ស ថេត ៖ អ្នកបើកបរដឹកជញ្ជូនទំនិញ និងអាហារទាំងអស់ ត្រូវចូលរួមគោរពច្បាប់ចរាចរណ៍ ពិសេសកុំទទួលរបស់បញ្ញើដែលខុសច្បាប់ ដូចជាគ្រឿងញៀន និងអាវុធជាតិផ្ទុះជាដើម ចេញផ្សាយ ថ្ងៃទី ១៨ ខែ កញ្ញា ឆ្នាំ ២០២៤ MoINFO APP អគ្គស្នងការនគរបាលជាតិ ឯកឧត្តម នាយឧត្តមសេនីយ៍ ស ថេត អ្នកបើកបរផ្តល់សេវាដឹកជញ្ជូនទំនិញ និងអាហារទាំងអស់ ត្រូវចូលរួមគោរពច្បាប់ចរាចរណ៍ ជាពិសេសកុំទទួលរបស់បញ្ញើដែលខុសច្បាប់ ដូចជាគ្រឿងញៀន និងអាវុធជាតិផ្ទុះជាដើម ដើម្បីកុំឲ្យមានការជាប់ពាក់ព័ន្ធទៅនឹងបទល្មើសទាំងអស់នេះ ពីព្រោះថាជាអំពើខុសច្បាប់។ នៅក្នុងពិធីសំណេះសំណាលជាមួយអ្នកបើកបរផ្តល់សេវាដឹកជញ្ជូនទំនិញ និងអាហារ ព្រមទាំងផ្តល់ប័ណ្ណថ្លែងអំណរគុណ និងមួកសុវត្ថិភាពជាអនុស្សាវរីយ៍ នាព្រឹកថ្ងៃទី១៨ ខែកញ្ញា ឆ្នាំ២០២៤នេះ នៅទីស្ដីការក្រសួងមហាផ្ទៃ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានមានប្រសាសន៍ក្រើនរំលឹកទៅដល់ក្រុមហ៊ុនដឹកជញ្ជូន និងអ្នកដឹកជញ្ជូនទាំងអស់ ត្រូវត្រួតពិនិត្យ និងសាកសួរនូវប្រភពទំនិញទាំងឡាយណាដែលមានការសង្ស័យឲ្យបានច្បាស់លាស់ ដើម្បីចៀសវាងទៅនឹងការដឹកជញ្ជូនទំនិញខុសច្បាប់ដូចជា គ្រឿងញៀន អាវុធជាតិផ្ទុះ និងរបស់បញ្ញើផ្សេងៗដែលខុសច្បាប់។ ពីព្រោះថាការដឹកជញ្ជូនរបស់បញ្ជើដែលខុសច្បាប់ […]

ពេលធ្វើកំណាយក្នុងបរិវេណប្រាសាទតាព្រហ្ម រកឃើញបំណែកក្បាល​នាគដែលជាផ្នែកមួយរបស់បដិមាព្រះពុទ្ធប្រក់នាគ ចេញផ្សាយ ថ្ងៃទី ១៨ ខែ កញ្ញា ឆ្នាំ ២០២៤ MoINFO APP ក្រុមអ្នកបុរាណវិទ្យានៃអាជ្ញាធរជាតិអប្សរា សហការជាមួយស្ថាប័ន​ស្រាវជ្រាវបុរាណវិទ្យាឥណ្ឌា(ASI) កំពុងធ្វើកំណាយនៅ​ក្នុង​បរិវេណ​ប្រាសាទតាព្រហ្ម រកឃើញបំណែកក្បាលនាគ ដែលជាផ្នែកមួយរបស់​បដិមាព្រះពុទ្ធបដិមាប្រក់នាគ​តម្កល់នៅក្នុង​សាលរបាំ រួមទាំងបំណែក​ផ្សេងៗរបស់បដិមាតូចធំមួយចំនួនផង។ អាជ្ញាធរជាតិអប្សរានៅថ្ងៃទី១៨ ខែកញ្ញា ឆ្នាំ២០២៤ បានស្រង់សម្ដី​បុរាណវិទូ លោកស្រី នេត ស៊ីមន ដែលបញ្ជាក់ថា កាលពីខែ​កក្កដា​កន្លងទៅក្នុងពេលដែលក្រុមការងារបានរៀបចំសម្រង់ប្លង់បំណែកថ្មដែលនៅរាយប៉ាយជុំវិញរោងទងទី៣នៃប្រាសាទតាព្រហ្មបានប្រទះឃើញបំណែកខ្លួននាគមួយផ្នែកនៃចម្លាក់បដិមាព្រះពុទ្ធប្រក់នាគ មួយផ្នែកកប់​នៅក្នុងដី។ ក្រោយពីកំណាយឃើញថា ថ្មនៃបំណែកក្បាលនាគនេះ គឺជាបំណែកចម្លាក់នាគ ដែលជាដងខ្លួននាគរបស់ព្រះពុទ្ធប្រក់នាគ ដែលបានយកទៅដាក់តម្កល់ក្នុង​សាលរបាំ។ ប៉ុន្តែ បំណែកក្បាលនាគ​មានត្រឹមក្បាលតែ២ប៉ុណ្ណោះ គឺក្បាលផ្នែកកណ្តាល និងខាងស្តាំ ក្នុងចំណោមនាគក្បាល៧។ អ្វីដែលធ្វើឱ្យអ្នកជំនាញសន្និដ្ឋានថា ជាបំណែកមួយរបស់ព្រះពុទ្ធប្រក់នាគ គឺមុខថ្មមានទំហំត្រូវគ្នា សាច់ថ្មតែមួយ រួមទាំងក្បូរក្បាច់​ក្នុង​ទម្រង់ដូចគ្នា។ ប្រភពដដែលបន្តថា តាមស្ថានភាពនៃបំណែកក្បាលនាគកប់នៅ​ក្នុងដីនេះ គឺមានការរៀបចំទុកយ៉ាងត្រឹមត្រូវ ដែលអ្នកជំនាញគិតថា បំណែករូបនេះ ត្រូវបានគេកប់ទុកនៅទីតាំងនេះ ដោយការគោរព ដែលប្រហែលជានៅក្រោយរាជព្រះបាទជ័យវរ្ម័នទី៧ ពេលដែល​ផ្លាស់ប្ដូរសាសនាពីពុទ្ធសាសនាមហាយានទៅព្រហ្មសាសនាវិញ។ ក្រុមការងារសង្ឃឹមថា នឹងអាចរកឃើញផ្នែកផ្សេងៗរបស់ពុទ្ធបដិមា​ប្រក់នាគដ៏ធំមួយនេះបន្ថែមទៀតនាពេលអនាគ ដើម្បីយកមកផ្គុំ​ឡើងវិញ ឱ្យបដិមានេះពេញរូបរាង […]

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញេីសារលិខិតរំលែកទុក្ខ និងសម្រេចផ្តល់ថវិកា ១០ម៉ឺនដុល្លារ ជូនដល់កាកបាទក្រហម វៀតណាម ក្នុងប្រតិបត្តិការមនុស្សធម៌ជួយដល់អ្នករងគ្រោះដោយខ្យល់ព្យុះកំណាច ទីហ្វុង យ៉ាហ្គី នៅភាគខាងជើងប្រទេសវៀតណាម ។

សារលិខិត របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសខួប១ឆ្នាំ នៃការចុះរមណីយដ្ឋានប្រាសាទកោះកេរ ក្នុងបញ្ជី បេតិកភណ្ឌពិភពលោក ថ្ងៃទី១៧ ខែកញ្ញា ឆ្នាំ២០២៤

សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា ផ្ញើលិខិតថ្លែងអំណរគុណជូន សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនប្រធានកាកបាទក្រហមកម្ពុជា

« ការអភិរក្សសត្វដំរីអោយគង់វង្សបានផ្តល់ផលប្រយោជន៍ដល់ទេសចរណ៍ធម្មជាតិ ការអភិរក្សដំរីស្រុកបង្កើតកូនបានច្រើន បង្កើតការងារដល់បងប្អូនជនជាតិដើមភាគតិច និងចូលរួមថែរក្សាប្រពៃណី វប្បធម៍ ទំនៀមទម្លាប់អោយបានល្អ» ចេញផ្សាយ ថ្ងៃទី ១៥ ខែ កញ្ញា ឆ្នាំ ២០២៤ MoINFO APP « ការអភិរក្សសត្វដំរីអោយគង់វង្សបានផ្តល់ផលប្រយោជន៍ដល់ទេសចរណ៍ធម្មជាតិ ការអភិរក្សដំរីស្រុកបង្កើតកូនបានច្រើន បង្កើតការងារដល់បងប្អូនជនជាតិដើមភាគតិច និងចូលរួមថែរក្សាប្រពៃណី វប្បធម៍ ទំនៀមទម្លាប់អោយបានល្អ» ការការពារនិងអភិរក្សសត្វដំរីជាផ្នែកមួយយ៉ាងសំខាន់ក្នុងការគ្រប់គ្រងធនធានធម្មជាតិ និងការអភិរក្សជីវៈចម្រុះ។ នេះជាការថ្លែងរបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ក្នុងឱកាសអញ្ជើញជាអធិបតីកម្មវិធីរាត្រីសមោលសរសប្បុរសធម៌រៃអង្គាសថវិកាលើកទី៦ ដើម្បីបន្តកិច្ចការងារអភិរក្សដំរីខ្មែរ ដែលត្រូវការជួយសង្រ្គោះ និងបង្កាត់ពូជដំរីនៅខេត្តរតនគិរី ។ រាត្រីសមោលសរនេះធ្វើឡើងនៅល្ងាចថ្ងៃទី១៤ ខែកញ្ញា ឆ្នាំ២០១៤ នាសណ្ឋាគារ Sun & Moon ភ្នំពេញ រៀបចំដោយសមាគមអភិរក្សដំរីអៃរាវត្តា ដោយមានការអញ្ជើញជាអធិបតី ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ព្រមទាំង ឯកឧត្តម លោកជំទាវ ជាថ្នាក់ដឹកនាំតាមបណ្តាក្រសួង […]