ក្នុងរយៈពេលនៃព្រះរាជពិធីបុណ្យអុំទូក ឆ្នាំ២០២៣នេះ មន្រ្តីសុខាភិបាល បានផ្តល់ និងបម្រើសេវាសុខាភិបាលជូនប្រជាពលរដ្ឋ សរុបចំនួន ៩.៩៥៩ករណី
ភ្នំពេញ ថ្ងៃទី២៩ ខែវិច្ឆិកា ឆ្នាំ២០២៣–
ក្រសួងសុខាភិបាល នារសៀលថ្ងៃទី២៩ ខែវិច្ឆិកា ឆ្នាំ២០២៣នេះ បានសម្តែងនូវការកោតសសើរ ថ្លែងអំណរគុណ និងវាយតម្លៃខ្ពស់ ចំពោះថ្នាក់ដឹកនាំ និងមន្រ្តីសុខាភិបាលគ្រប់លំដាប់ថ្នាក់ ដែលបានចូលរួមយ៉ាងស្រាក់ស្រាំ ក្នុងការបម្រើសេវាសុខាភិបាលជូនប្រជាពលរដ្ឋ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៣នេះ
ក្រសួងបានបន្តថា នៅថ្ងៃចុងក្រោយ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅថ្ងៃអង្គារ ១រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៨ ខែវិច្ឆិកា ឆ្នាំ២០២៣ ក្រសួងសុខភបាល នៅតែបន្តសកម្មភាពរបស់មន្រ្តីក្រោនឱវាទ ក្នុងចូលរួមយ៉ាងស្រាក់ស្រាំ ទឹកចិត្តសប្បាយរីករាយ និងស្មារតីមោះមុតក្នុងការផ្តល់ និងបម្រើសេវាសង្រ្គោះ ព្យាបាល ការពារសុខភាពជូនដល់ប្រជាពលរដ្ឋមកគ្រប់ទិសទី រួមទាំងភ្ញៀវអន្តរជាតិ ក៏ដូចជាខិតខឱអប់រំផ្សព្វផ្សាយអំពីការបង្ការការចម្លងមេរោគអេដស៍ និងធ្វើតេស្តរកមេរោគអេដស៍ជូន កីឡាករប្រណាំងទូក និងបងប្អូនប្រជាពលរដ្ឋផងដែរ។
តាមប្រភពព័ត៌មានក្នុងបណ្តាញសង្គមតេឡេក្រាមផ្លូវការ ក្រសួងសុខាភិបាល បាបញ្ជាក់ថា ក្នុងរយៈពេលនៃព្រះរាជពិធីបុណ្យអុំទូក ឆ្នាំ២០២៣នេះ មន្រ្តីសុខាភិបាល បានផ្តល់ និងបម្រើសេវាសុខាភិបាលជូនប្រជាពលរដ្ឋ សរុបចំនួន ៩.៩៥៩ករណី ដែរនេះបានបញ្ជាក់ឱ្យពីការចូលរួម និងខិតខំពីថ្នាក់ដឹកនាំ និងមន្រ្តីសុខាភិបាលគ្រប់លំដាប់ថ្នាក់ គ្រប់ពេលវេលា និងកាលៈទេសៈ ប្រកបដោយ ស្មារតីទទួលខុសត្រូវ ប្រសិទ្ធភាពខ្ពស់។
ឯកឧត្តមសាស្ត្រាចារ្យរដ្ឋមន្ត្រីបានកោតសសើរ ថ្លែងអំណរគុណ និងវាយតម្លៃខ្ពស់ដល់ក្រុមគ្រូពេទ្យប្រចាំការ ក្រុមរថយន្តគិលានសង្រ្គោះ និងមន្រ្តីសុខាភិបាលពាក់ព័ន្ធ ដែលបានលះបង់ទាំងកម្លាំងកាយចិត្ត ក្នុងការបំពេញការងារភារកិច្ចផ្តល់បម្រើប្រជាពលរដ្ឋបានយ៉ាងល្អប្រសើរ អំឡុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក។
ឯកឧត្តម បានគូសបញ្ជាក់ថា សន្តិភាពបាននាំមកការអភិវឌ្ឍន៍ ការអភិវឌ្ឍន៍បាននាំមកស្មារតីរួបរួមសាមគ្គីគ្នាជាធ្លុងមួយ ក្រោមដំបូលសន្តិភាពតែមួយ៕
