Month: January 2025

ព្រឹកថ្ងៃទី២៣ ខែមករា ឆ្នាំ២០២៥ មន្ទីរ សអយ ខេត្តព្រៃវែង បានរៀបចំពិធី ប្រគល់បណ្ណសម្គាល់ជនមានពិការភាព ជូនដល់រដ្ឋបាលក្រុងស្រុក ដើម្បីប្រគល់ជូនបន្តដល់ឃុំសង្កាត់ និងបងប្អូនប្រជាពលរដ្ឋ ដែលជាជនមានពិការភាព ក្រោមអធិបតីភាពលោក ហ៊ុន ណេត ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តព្រៃវែង។

ព្រឹកថ្ងៃទី២៣ ខែមករា ឆ្នាំ២០២៥ ឯកឧត្តម ឈាង សុវណ្ណារ៉ា អភិបាលរងនៃគណៈអភិបាលខេត្ត បានអញ្ជើញជាអធិបតី ក្នុងកិច្ចប្រជុំផ្សព្វផ្សាយ ស្តីពី នីតិវិធីលទ្ធកម្ម គម្រោងមូលនិធិឃុំ-សង្គាត់ ដែលប្រព្រឹត្តនៅសាលប្រជុំធំ “A” សាលាខេត្តព្រៃវែង។

សកម្មភាពផ្សព្វផ្សាយអប់រំ ភូមិ ឃុំ មានសុវត្ថិភាព និងវេទិកាសាធារណៈ នៅតាមភូមិសាស្រ្ត រដ្ឋបាលសង្កាត់ទាំបួន ក្នុងក្រុងព្រៃវែង ជារៀងរាល់ថ្ងៃ គោលនយោបាយផ្សព្វផ្សាយភូមិ ឃុំ មានសុវត្ថិភាពមានចំនួន ៧ចំណុច ៖ 1-ការផ្តល់សេវាសាធារណៈ ជាពិសេសសេវារដ្ឋបាលប្រកបដោយគុណភាព តម្លាភាព និទំនុកចិត្ត 2-គ្មានបទល្មើសលួច ឆក់ ប្លន់ គ្រឿងញៀន ល្បែងសុីសង និងបទល្មើសគ្រប់ប្រភេទ 3-មានសណ្តាប់ធ្នាប់សាធារណៈល្អ ជាពិសេសគ្មានគ្រោះថ្នាក់ចរាចរណ៍ 4-គ្មានអំពើអនាថា គ្មានការជួញដូរមនុស្ស ជាពិសេសស្រ្តី និងកុមារ ជាពិសេសគ្មានអំពើហិង្សាក្នុងគ្រួសារ 5-ដោះស្រាយវិវាទនៅមូលដ្ឋាននៅក្រៅប្រព័ន្ធប្រកបដោយគុណភាព 6-មានអនាម័យ បរិស្ថានល្អ និងសោភ័ណភាពល្អ 7-ឆ្លើយតបបានទាន់ពេលវេលា ចំពោះគ្រោះមហន្តរាយ និងរាល់ជម្ងឺឆ្លងប្រកបដោយប្រសិទ្ធភាព

កិច្ចប្រជុំអាណត្តិប្រចាំខែ​ មករា​ ឆ្នាំ២០២៥​ និងលេីកទិសដៅប្រចាំខែ​ កុម្ភៈ​ ឆ្នាំ២០២៥. ថ្ងៃពុធ ៩រោច ខែបុស្ស ឆ្នាំរោង​ ឆស័ក ពុទ្ធសករាជ ២៥៦៨​ ត្រូវនឹងថ្ងៃទី២២ ខែមករា ឆ្នាំ២០២៥

ពិធីចុះហត្ថលេខាលើលិខិតប្តូរសារ និងឯកសារពាក់ព័ន្ធ ស្តីពីការផ្តល់ហិរញ្ញប្បទានឥតសំណងរបស់ជប៉ុន ចំនួន ៧៥០លានយ៉េន ចេញផ្សាយ ថ្ងៃទី ២៣ ខែ មករា ឆ្នាំ ២០២៥ AKP ភ្នំពេញ ថ្ងៃទី២៣ ខែមករា ឆ្នាំ២០២៥- ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងឯកឩត្តម UENO Atsushi ឯកអគ្គរាជទូតវិសាមញ្ញ និងពេញសមត្ថភាពនៃប្រទេសជប៉ុនប្រចាំនៅកម្ពុជា អញ្ជើញចុះហត្ថលេខាលើលិខិតប្តូរសារ និងឯកសារពាក់ព័ន្ធ ស្តីពីការផ្តល់ហិរញ្ញប្បទានឥតសំណងរបស់ជប៉ុន ដែលមានទឹកប្រាក់ចំនួន ៧៥០ ០០០ ០០០ យ៉េន (ប្រមាណ ៥,៤លានដុល្លារអាមេរិក) សម្រាប់អនុវត្តគម្រោង “កម្មវិធីអភិវឌ្ឍន៍សេដ្ឋកិច្ច និងសង្គម” នាព្រឹកថ្ងៃទី២៣ ខែមករា ឆ្នាំ២០២៥ នៅទីស្តីការក្រសួង រាជធានីភ្នំពេញ។

រដ្ឋមន្ត្រីក្រសួងព័ត៌មានបង្ហាញទិសដៅការងារឆ្នាំ២០២៥ ដើម្បីអភិវឌ្ឍន៍វិស័យព័ត៌មាន និងសោតទស្សន៍នៅកម្ពុជា ចេញផ្សាយ ថ្ងៃទី ២៣ ខែ មករា ឆ្នាំ ២០២៥ ក្រសួងព័ត៌មានបានបង្ហាញការងារធំៗចំនួន៥សម្រាប់បំពេញនៅឆ្នាំ២០២៥នេះ ដើម្បីអោយវិស័យព័ត៌មាន និងសោតទស្សន៍នៅកម្ពុជាទទួលបានសេចក្តីទុកចិត្តនិងគាំទ្រពីសាធារណជន។ ការងារទី១ គឺ ប្រសិទ្ធភាពនៃការដឹកនាំអនុវត្តផែនការយុទ្ធសាស្ត្រ។ ការងារទី ២ គឺ ការបណ្តុះបណ្តាលធនធានមនុស្សក្នុងវិស័យព័ត៌មាន និងសោតទស្សន៍។ ការងារទី៣ គឺ ការផ្លាស់ការផ្សាយទូរទស្សន៍ពីប្រព័ន្ធអាណាឡូកទៅឌីជីថល ។ ការងារទី៤គឺការលើកកម្ពស់សន្តិសុខព័ត៌មាន និងការងារ ទី៥គឺការជម្រុញការទូតព័ត៌មាន។ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាននៅក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥របស់ក្រសួងព័ត៌មាន កាលពីថ្ងៃទី២២ខែមករា ឆ្នាំ ២០២៥ បានលើកឡើង ថា មូលដ្ឋាននៃការងារសម្រាប់ធ្វើនៅឆ្នាំ២០២៥ របស់ក្រសួងព័ត៌មាន ចាប់ផ្ដើមពីការចាប់ប្រាំងនៅឆ្នាំ២០២៤ ទៅការបង្កើនល្បឿននៅឆ្នាំ ២០២៥ ដោយបន្តដំណើរក្នុងល្បឿនមួយបន្តិចម្ដងៗនៃការធ្វើដំណើរទៅមុខ។ ក្រសួងព័ត៌មានត្រូវបំពេញមុខងារស្នូលរបស់ខ្លួនគឺគ្រប់គ្រងនិងដឹកនាំវិស័យសារព័ត៌មាន និងសោតទស្សន៍នៅកម្ពុជា ខណៈមុខងារទី ២ គឺគាំទ្រលើកិច្ចការសាធារណៈរបស់ក្រសួងស្ថាប័ន។ ឯកឧត្តម នេត្រ ភក្ត្រា បានបញ្ជាក់ថា ដើម្បីសម្រេចការងារខាងលើនេះ ក្រសួងបានដាក់ចេញ […]

UNDP វាយតម្លៃខ្ពស់ចំពោះភាពជោគជ័យនៃការអនុវត្តផែនការយុទ្ធសាស្រ្តជាតិសកម្មភាពមីន ២០១៨-២០២៥ និងប្តេជ្ញាចិត្តគាំទ្រដល់វិស័យសកម្មភាពមីននៅកម្ពុជា ចេញផ្សាយ ថ្ងៃទី ២៣ ខែ មករា ឆ្នាំ ២០២៥ MoINFO APP (ភ្នំពេញ)៖ ថ្ងៃទី២៣ ខែមករា ឆ្នាំ២០២៣ នៅទីស្នាក់ការអាជ្ញាធរមីន ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានជួបប្រជុំទ្វេភាគីជាមួយ លោកស្រី Alissar Chaker តំណាងអង្គការ UNDP ប្រចាំកម្ពុជា មុននឹងចាប់ផ្តើមកិច្ចប្រជុំក្រុមប្រឹក្សាគម្រោងបោសសម្អាតមីនដើម្បីលទ្ធផលដំណាក់កាលទី៤ ឆ្នាំ២០២៤។ ក្នុងជំនួបនោះ លោកស្រី Alissar Chaker បានកោតសរសើរ និងវាយតម្លៃខ្ពស់ជូនចំពោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ដែលបានដឹកនាំប្រទេសកម្ពុជាឆ្ពោះទៅរកវឌ្ឍនភាព និងការអភិវឌ្ឍ លើកគ្រប់វិស័យ។ ជាមួយគ្នានោះ លោកស្រី បានវាយតម្លៃខ្ពស់ចំពោះភាពជោគជ័យនៃលទ្ធផលសម្រេចបានក្នុងការអនុវត្តផែនការយុទ្ធសាស្រ្តជាតិសកម្មភាពមីន (NMAS) ២០១៨-២០២៥។ លោកស្រី Alissar Chaker បានបញ្ចាក់ទៀតថា […]

ក្រុមប្រឹក្សាធុរកិច្ចស្រ្តី ប្រទេសហ្វីលីពីនសម្លឹងឃើញឱកាសវិនិយោគនៅកម្ពុជា ចេញផ្សាយ ថ្ងៃទី ២៣ ខែ មករា ឆ្នាំ ២០២៥ MoINFO APP សម្តេចប្រធានរដ្ឋសភាកម្ពុជា បានស្វាគមន៍ដំណើរទស្សនកិច្ចរបស់គណៈប្រតិភូក្រុមប្រឹក្សាធុរកិច្ចស្រី្តនៃប្រទេសហ្វីលីពីន នៅកម្ពុជា ក្នុងការពិនិត្យសក្តានុពលថ្មីៗបន្ថែមទៀត ដើម្បីធ្វើការវិនិយោគ។ ការស្វាគមន៍របស់ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នៅព្រឹកថ្ងៃទី២៣ ខែមករា ឆ្នាំ២០២៥ ខណៈទទួលជួបពិភាក្សាការងារជាមួយគណៈប្រតិភូក្រុមប្រឹក្សាធុរកិច្ចស្រី្តនៃប្រទេសហ្វីលីពីន (Women Business Council of the Philippines) ដឹកនាំដោយលោកជំទាវ រូសម៉ារី រ៉ាហ្វាអ៊ែល(Rosemarie P.Rafael) នៅវិមានរដ្ឋសភា។ សម្តេចប្រធានរដ្ឋសភា បានគូសបញ្ជាក់ថា លើសពីនេះ ដំណើរទស្សនកិច្ចនេះមានសារៈសំខាន់ក្នុងការរឹតចំណងមិត្តភាព កិច្ចសហប្រតិបត្តិការ ប្រទេសទំាងពីរឱ្យកាន់តែរឹងមាំឡើង ពិសេសការភ្ជាប់ទំនាក់ទំនងប្រជាជននិងប្រជាជននៃប្រទេសទំាងពីរកាន់តែជិតស្និទ្ធ និងមានការយោគយល់គ្នាកាន់តែច្រើនឡើង។ លោកជំទាវ រូសម៉ារី រ៉ាហ្វាអ៊ែល បានថ្លែងអំណរគុណយ៉ាងជ្រាលជ្រៅជូន សម្តេចប្រធានរដ្ឋសភា ដែលបានអនុញ្ញាតដល់គណៈប្រតិភូបានចូលជួបសម្តែងការគួរសម និងពិភាក្សាការងារនាឱកាសនេះ។ លោកជំទាវ បានថ្លែងកោតសរសើរពីការរីកចម្រើនយ៉ាងឆាប់រហ័សរបស់កម្ពុជា និងបានគោរពថ្លែងអំណរគុណចំពោះសម្តេចមហាបវរធិបតី ហ៊ុន […]

ឯកឧត្តមឧបនាយករដ្ឋមន្រ្តី ហ៊ុន ម៉ានី ដឹកនាំកិច្ចប្រជុំពិនិត្យវឌ្ឍនភាពការងារក្រសួងមុខងារសាធារណៈប្រចាំខែមករា ឆ្នាំ២០២៥ ចេញផ្សាយ ថ្ងៃទី ២៣ ខែ មករា ឆ្នាំ ២០២៥ MoINFO APP នាព្រឹកថ្ងៃទី២៣ ខែមករា ឆ្នាំ២០២៥ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ បានអញ្ជើញដឹកនាំកិច្ចប្រជុំពិនិត្យលើរបាយការណ៍វឌ្ឍនភាពការងារប្រចាំខែមករា និងលើកទិសដៅការងារបន្ត របស់ក្រសួងមុខងារសាធារណៈ។ ជាទម្លាប់រៀងរាល់សប្តាហ៍ទី៤ ប្រចាំខែនីមួយៗ ក្រសួងមុខងារសាធារណៈ តែងតែអនុវត្តរបបប្រជុំប្រចាំខែរបស់ខ្លួន។ កិច្ចប្រជុំនេះមានការអញ្ជើញចូលរួមពី ឯកឧត្តម លោកជំទាវ លោក លោកស្រី ជាថ្នាក់ដឹកនាំ និងមន្រ្តីរាជការជាច្រើនរូប ព្រមទាំងប្រធាននាយកដ្ឋានចំណុះក្រសួង និងមន្ទីរមុខងារសាធារណៈរាជធានី ខេត្តទាំង២៥ (តាមប្រព័ន្ធអនឡាញ)។ ដើម្បីបានស្តាប់វឌ្ឍនភាពការងារប្រចាំខែមករា ធ្វើរបាយការណ៍រួមជូនឯកឧត្តមឧបនាយករដ្ឋមន្រ្តី និងអង្គប្រជុំទាំងមូល។ តាមរយៈរបាយការណ៍វឌ្ឍនភាពការងាររយៈពេល ១ខែ នៃខែមករា ឆ្នាំ២០២៥ ដែលរាយការណ៍ដោយ ដោយឯកឧត្តមអគ្គលេខាធិការ ហាស់ ប៊ុនថ្ថន បានបង្ហាញឱ្យឃើញថា ក្រសួងមុខងារសាធារណៈ ក្រោមការដឹកនាំដ៏ខ្ពង់ខ្ពស់របស់ ឯកឧត្តមឧបនាយករដ្ឋមន្រ្តី […]