Month: August 2024

សម្តេចប្រធានរដ្ឋសភា ផ្តល់អនុសាសន៍ ៦ចំនុចដល់អគ្គលេខាធិការដ្ឋានរដ្ឋសភា ដើម្បីសម្រេចបានគោលដៅ កំណែទម្រង់កាន់តែស៊ីជម្រៅ លើកកម្ពស់អភិបាលកិច្ចល្អ និងការអភិវឌ្ឍស្ថាប័នជាសភាឌីជីថល ———- មានប្រសាសន៍នៅពេលអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបិទកិច្ចប្រជុំបូកសរុបលទ្ធផលការងារមួយឆ្នាំ និងការលើកទិសដៅការងារបន្ត របស់អគ្គលេខាធិការដ្ឋានរដ្ឋសភា នៅដើមនីតិកាលទី៧ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានលើកទឹកចិត្តនិងជំរុញដល់អគ្គលេខាធិការដ្ឋានរដ្ឋសភាបន្តយកចិត្តទុកដាក់ ដើម្បីប្រើប្រាស់ឱ្យអស់សក្តានុពលរបស់ខ្លួន ក្នុងការបំពេញបេសកកម្មដ៏ឧត្តុង្គឧត្តមនេះ ជាពិសេសធ្វើយ៉ាងណាឱ្យសម្រេចបានគោលនយោបាយគន្លឹះជាអាទិភាពរបស់រដ្ឋសភា ដែលសម្តេចរដ្ឋសភាធិបតីបានដាក់ចេញកាលពីដើមនីតិកាល គឺ អភិបាលកិច្ចល្អ កំណែទម្រង់ស៊ីជម្រៅ និងការប្រែក្លាយជាសភាឌីជីថល ដើម្បីគំាទ្រដល់ការងាររបស់តំណាងរាស្រ្ត នៅក្នុងការបំពេញតូនាទីរបស់ខ្លួន បម្រើប្រជាពលរដ្ឋ។ ដើម្បីសម្រេចបាននូវគោលដៅនេះ សម្តេចប្រធានរដ្ឋសភា បានផ្តល់នូវអនុសាសន៍គន្លឹះមួយចំនួន ដល់អគ្គលេខាធិការដ្ឋានរដ្ឋសភា យកទៅអនុវត្តបន្ត ដើម្បីកសាងស្នាដៃថ្មីៗបន្តទៀត ដោយអនុវត្តយ៉ាងខ្ជាប់ខ្ជួននូវគោលការណ៍ និងសេចក្តីសម្រេចនានា ពាក់ព័ន្ធនឹងការកែទម្រង់ស្ថាប័ន និងអភិបាលកិច្ចល្អ សំដៅឈានទៅសម្រេចបានគោលដៅពង្រឹង និងលើកកម្ពស់ស្ថាប័នរដ្ឋសភា រួមចំណែកដល់ការអភិវឌ្ឍប្រទេសកម្ពុជាឱ្យកាន់តែរីកចម្រើន ជឿនលឿនប្រកបដោយបរិយាបន្ន និងចីរភាព។ សូមជម្រាបថា អគ្គលេខាធិការដ្ឋានរដ្ឋសភា បានរៀបចំកិច្ចប្រជុំបូកសរុបលទ្ធផលការងារប្រចាំឆ្នាំនិងការលើកទិសដៅបន្តសម្រាប់អនុវត្តបន្ត កាលពីព្រឹកថ្ងៃទី២២ ខែសីហាឆ្នាំ២០២៤។ កិច្ចប្រជុំនេះ បានធ្វើឡើងចំពេលដែលរដ្ឋសភា នីតិកាលទី៧ មានអាយុកាលគម្រប់មួយឆ្នាំគត់។ អគ្គលេខាធិការដ្ឋានរដ្ឋសភា ជាសេនាធិការសំខាន់របស់រដ្ឋសភាដែលមានតួនាទីផ្តល់សេវានិងបច្ចេកទេសជូនសមាជិក […]

សម្តេចមហារដ្ឋសភាធិបតី ឃួន សុដារី អញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភាដើម្បីពិនិត្យនិងសម្រេចលើរបៀបវារៈសំខាន់ៗមួយចំនួន ———————— សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នៅព្រឹកថ្ងៃទី២១ ខែសីហា ឆ្នាំ២០២៤ បានអញ្ជើញដឹកនាំកិច្ចប្រជុំគណៈកម្មាធិការអចិ ន្រ្តៃយ៍រដ្ឋសភា ដើម្បីពិនិត្យនិងសម្រេចលើរបៀបវារៈសំខាន់ៗមួយចំនួន។ បន្ទាប់ពីបានពិនិត្យ ពិភាក្សាតាមរបៀបវារៈរួចមក កិច្ចប្រជុំគណៈកម្មាធិការអចិន្រ្តៃយ៍រដ្ឋសភា បានសម្រេចអនុម័ត ៖ ១-គម្រោងចំណាយថវិការដ្ឋសភាឆ្នាំ២០២៥ ដើម្បីផ្ញើជូនរាជរដ្ឋាភិបាល ពិនិត្យសម្រេចបញ្ចូលទៅក្នុងសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រង ឆ្នាំ២០២៥។ ២-សំណើធ្វើវិសោធនកម្មបទបញ្ជាផ្ទៃក្នុងរដ្ឋសភា នៃព្រះរាជាណាចក្រកម្ពុជា ដោយប្រគល់ភារកិច្ចជូន គណៈកម្មការជំនាញរដ្ឋសភាពិនិត្យសិក្សា ហើយធ្វើរបាយការណ៍ជូនគណៈកម្មាធិការអចិន្រ្តៃយ៍រដ្ឋសភា វិញ។ ៣-សំណើសុំជ្រើសតំាងសមាជិកឧត្តមក្រុមប្រឹក្សានៃអង្គចៅក្រម១រូប សម្រាប់អាណត្តិទី៣ ជំនួស ឯកឧត្តម អ៉ិត រ៉ាឌី សមាជិកឧត្តមក្រុមប្រឹក្សានៃអង្គចៅក្រម ដែលត្រូវបញ្ចប់អាណត្តិ ដោយបានប្រគល់ភារកិច្ចនេះ ជូនអគ្គលេខាធិការដ្ឋានរដ្ឋសភា រៀបចំសេចក្តីជូនដំណឹងប្រកាសជ្រើសរើសឥស្សរជនដែលមានលក្ខណៈសម្បត្តិសមស្រប ហើយធ្វើរបាយការណ៍ជូនគណៈកម្មាធិការអចិន្រ្តៃយ៍រដ្ឋសភា វិញ។ ៤-គោលការណ៍នៃនីតិវិធីកិច្ចទំនាក់ទំនងការងាររវាងរដ្ឋសភានៃព្រះរាជាណាចក្រកម្ពុជា និងរាជរដ្ឋាភិបាលនៃព្រះរាជាណាចក្រកម្ពុជា៕

សេចក្តីជូនដំណឹង កិច្ចប្រជុំផ្សព្វផ្សាយជាមួយភាគីពាក់ព័ន្ធ ស្តីពីការងារសន្តិសុខសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៤

នគរបាលខេត្តព្រៃវែង បន្តត្រួតពិនិត្យអាវុធជាតិផ្ទុះ ដើម្បីការពារសន្ដិសុខសណ្តាប់ធ្នាប់សាធារណៈ និងបង្ការទប់ស្កាត់ បង្ក្រាបបទល្មើស តាមគោលដៅនីមួយៗ ខេត្តព្រៃវែង ៖ នៅយប់ថ្ងៃអង្គារ ១ រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែសីហា ឆ្នាំ២០២៤ កម្លាំងនគរបាលខេត្តព្រៃវែង បន្តចុះត្រួតពិនិត្យអាវុធជាតិផ្ទុះ នៅតាមគោលដៅឈរជើងនីមួយៗ តាមដងផ្លូវជាតិ និងភូមិសាស្ត្រសំខាន់ៗក្នុងខេត្ត ព្រៃវែងដើម្បី ពិនិត្យមើលសភាពការណ៍ និងការពារសន្តិសុខ សណ្ដាប់ធ្នាប់សាធារណៈ ជូនប្រជាពលរដ្ឋ ។ គួរបញ្ជាក់ថា កម្លាំងទាំងអស់នេះ គឺប្រចាំការតាមគោលដៅ ២៤ ម៉ោង លើ ២៤ ម៉ោង ក្នុងទិសដៅរក្សាសន្តិសុខ សុវត្ថិភាពសង្គម រៀបចំសណ្ដាប់ធ្នាប់សាធារណៈ ពិសេសគឺត្រៀមបង្ការទប់ស្កាត់ និងបង្ក្រាបមិនឱ្យមានសកម្មភាពប្រមូលផ្ដុំបង្កចលាចល ឬអសន្តិសុខសង្គមនោះឡើយ ៕ PREY VENG POLICE | Facebook

តំបន់ទ្រនាប់នៃដែនព្រៃលិចទឹក តំបន់២ (ទីតាំងទី១៥) ស្ថិតក្នុងខេត្តកំពង់ឆ្នាំង មានទំហំ ៦១.៣១ ហិកតា ត្រូវបានចុះបញ្ជីជាដីសាធារណៈរបស់រដ្ឋ។ គួរបញ្ជាក់ផងដែរថា តំបន់ទ្រនាប់នៃដែនព្រៃលិចទឹក តំបន់២ ត្រូវបានចុះបញ្ជីតាមបច្ចេកទេសសុរិយោដី និងច្បាប់ភូមិបាល ដោយក្រសួងរៀបចំដែនដី នគរូបនីយកម្ម និងសំណង់ និងកាន់កាប់ដោយគណៈកម្មាធិការគ្រប់គ្រងដីរដ្ឋខេត្ត តាមអនុក្រឹត្យលេខ៣២១ ស្តីពីលក្ខខណ្ឌនិងនីតិវិធីនៃការចុះបញ្ជីដីរដ្ឋ ដោយមានការគ្រប់គ្រងពីក្រសួងសេដ្ឋកិច្ច និងហិរញ្ញវត្ថុ ទៅតាមច្បាប់ស្តីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរបស់រដ្ឋ។

អ្នកនាំពាក្យ សម្តេចក្រឡាហោម ស ខេង ប្រកាសបដិសេធចំពោះគណនី​ហ្វេសប៊ុកឈ្មោះ Samdech Seng Ratana 007 (ទូរទស្សន៍សំឡេងមនសិការខ្មែរ) ដែលបានផ្សព្វផ្សាយថា “លោក ស ខេង និង ស សុខា ត្រូវបាន ហ៊ុន សែន បញ្ជាឱ្យព័ទ្ធផ្ទះ និងឃុំខ្លួននៅក្នុងផ្ទះ ពាក់ព័ន្ធនឹងការមិនគាំទ្រគម្រោង CLV”

ព្រះអង្គធម្មវនវាសីបណ្ឌិតចន្ទមុនី ចាប់ផ្តើមនិមន្តទស្សនកិច្ចនៅតាមបន្ទាត់ខ្សែព្រំដែនតំបន់ CLV ចេញផ្សាយ ថ្ងៃទី ២១ ខែ សីហា ឆ្នាំ ២០២៤ MoINFO APP ព្រះអង្គធម្មវនវាសីបណ្ឌិតចន្ទមុនី បាននិមន្តទស្សនកិច្ចទៅដល់ខេត្តក្រចេះហើយកាលពីថ្ងៃទី២០សីហាម្សិលមិញនេះ ដោយឆ្លងកាត់តំបន់អ៊ិច១៦ ក្នុងភូមិសាស្ត្រខេត្តត្បូងឃ្មុំ មុនពេលនិមន្តបន្តទៅខេត្តក្រចេះ ក្នុងដំណើរនិមន្តទស្សនកិច្ចរបស់ព្រះអង្គទៅជួបពុទ្ធបរិស័ទនៅតាមបន្ទាត់ខ្សែព្រំដែនតំបន់ CLV ដែលមាន៤ខេត្ត ។ កាលពីម្សិលមិញនេះ ព្រះអង្គបាននិមន្តទៅជួបពុទ្ធបរិស័ទនៅវត្តជ័យមង្គលរតនារាម ក្នុងភូមិជ្រៃមាំង ឃុំ២ធ្នូ ស្រុកស្នូល ខេត្តក្រចេះ ។ ព្រះអង្គបាននិមន្តទៅជួបពុទ្ធបរិស័ទនៅខ្សែបន្ទាត់ ព្រំដែនកម្ពុជា-វៀតណាម បង្គោលព្រំដែនលេខ៦៩ និងច្រកទ្វាអន្តរជាតិត្រពាំងស្រែ ។ សូមរំលឹកថា មុនពេលនិមន្តទៅតំបន់ CLV នេះ ព្រះអង្គធម្មវនវាសីចន្ទមុនី បានមានថេរដិការផ្សាយតាមបណ្តាញសង្គមថា ក្នុងដំណើរនិមន្តទស្សនកិច្ចរបស់ព្រះអង្គនេះ គឺនិមន្តទៅ ជួបពុទ្ធបរិស័ទនៅតាមបន្ទាត់ខ្សែព្រំដែនតំបន់ CLV ដែលមាន៤ខេត្ត ដោយផ្តើមពីខេត្តក្រចេះ។ ព្រះអង្គបានបញ្ជាក់អំពីគោលបំណងនៃដំណើរនិមន្តទស្សនកិច្ចនេះ គឺដើម្បីចូលរួមដោះស្រាយមន្ទិលសង្ស័យដើម្បីធ្វើអោយប្រាកដប្រជាជុំវិញរឿងបាត់បង់ទឹកដីដោយសារកិច្ចព្រមព្រៀង តំបន់អភិវឌ្ឍន៍ជាមួយវៀតណាមនិងឡាវ ។ នៅពេលព្រះអង្គនិមន្តទៅដល់វត្តជ័យមង្គលរតនារាម ព្រះអង្គត្រូវបានព្រះគ្រូមង្គលរតនវិជ្ជា អ៊ុកមករាព្រះចៅអធិការវត្តជ័យមង្គលរតនារាម ស្ថិតក្នុងភូមិជ្រៃមាំង ឃុំ២ធ្នូ ស្រុកស្នូល […]

ក្រសួងសុខាភិបាល អំពាវនាវឱ្យមានការប្រុងប្រយ័ត្នខ្ពស់ ខណៈមានករណីស្លាប់ដោយសារជំងឺផ្តាសាយបក្សី (H5N1) លើកុមារីអាយុ១៥ឆ្នាំម្នាក់ រស់នៅស្រុកកញ្ជៀច ខេត្តព្រៃវែង