ព័ត៌មានជាតិ

សមាជរដ្ឋសភានិងព្រឹទ្ធសភា គាំទ្រទាំងស្រុងលើយន្តការដោះស្រាយបញ្ហាព្រំដែនរបស់ សម្តេចធិបតី ហ៊ុន ម៉ាណែត ដោយសន្តិវិធីនិងតាមផ្លូវច្បាប់អន្តរជាតិ ចេញផ្សាយ ថ្ងៃទី ០២ ខែ មិថុនា ឆ្នាំ ២០២៥ MoINF APP សមាជរដ្ឋសភានិងព្រឹទ្ធសភា នៅព្រឹកថ្ងៃទី២ ខែមិថុនា ឆ្នាំ២០២៥ បានគំាទ្រទំាងស្រុងលើយន្តការដោះស្រាយបញ្ហាព្រំដែន របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបានបញ្ជាក់ពីការលើកយកបញ្ហាប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការយុត្តិធម៌អន្តរជាតិ (ICJ)។ អង្គសមាជរដ្ឋសភានិងព្រឹទ្ធសភា បានឯកភាពគំាទ្រទំាងស្រុង ចំពោះយន្តការរបស់រាជរដ្ឋាភិបាលខាងលើនេះ ក្នុងសំឡេង១៨២ លើ១៨២ សំឡេង នៃសមាជិកសមាជរដ្ឋសភា និងព្រឹទ្ធសភា ដែលមានវត្តមានក្នុងកិច្ចប្រជុំ។ សូមជម្រាបថានៅក្នុងកិច្ចប្រជុំសមាជរដ្ឋសភានិងព្រឹទ្ធសភា នៅព្រឹកថ្ងៃទី២ មិថុនានេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចកម្ពុជា បានគូសបញ្ជាក់ពីជំហរបស់រាជរដ្ឋាភិបាលក្នុងការដោះស្រាយបញ្ហាព្រំដែនជាមួយប្រទេសថៃ ដោយសន្តិវិធី និងតាមផ្លូវច្បាប់អន្តរជាតិ ដូចជាការបន្តអនុវត្តយន្តការដែលប្រទេសទំាងពីរបានអនុវត្តកន្លងមក។ ជាមួយគ្នានេះ សម្តេចនាយករដ្ឋមន្រ្តី បានស្នើដល់ក្រុមការងារ លើកយកបញ្ហាប្រាសាទតាមាន់ធំ ប្រាសាទតាមាន់តូច […]

សម្ដេចបវរធិបតី ហ៊ុន ម៉ាណែត៖ ទោះបីជាភាគីថៃមិនឯកភាព ក៏កម្ពុជាយកបញ្ហាប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ប្ដឹងទៅតុលាការយុត្តិធម៌អន្តរជាតិ(ICJ)ដែរ ចេញផ្សាយ ថ្ងៃទី ០២ ខែ មិថុនា ឆ្នាំ ២០២៥ MoINFO APP សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសប្ដឹងករណីបញ្ហាប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការយុត្តិធម៌អន្តរជាតិ(ICJ) ដើម្បីបញ្ចប់ភាពតាងតឹង ដោយសារភាពមិនច្បាស់លាស់ដែលតែងតែកើតការប្រឈមមុខដាក់គ្នាមិនចេះចប់មិនចេះហើយរវាងយោធាកម្ពុជា និងយោធាថៃ។ ការប្រកាសជាថ្មីរបស់ សម្ដេចមហាបវរធិបតី ហ៊ុន ម៉ាណែត នេះ បង្ហាញពីការប្ដេជ្ញាចិត្តដ៏មុតមាំរបស់រាជរដ្ឋាភិបាលកម្ពុជាក្នុងការការពារទឹកដី មិនឱ្យបាត់បង់ និងមិនឱ្យបរទេសណាមួយឈ្លានពានបានឡើយ។ ក្នុងបទអន្តរាគមន៍ បើកកិច្ចប្រជុំសមាជ រដ្ឋសភានិង ព្រឹទ្ធភា នៅព្រឹកថ្ងៃទី០២ខែមិថុនា ឆ្នាំ២០២៥នេះ នៅវិមានរដ្ឋសភា សម្ដេចធិបតីនាយករដ្ឋមន្ត្រី បានថ្លែងថា រាជរដ្ឋាភិបាលកម្ពុជាតែងតែប្រកាន់ជំហរព្យាយាមដោះស្រាយបញ្ហាដោយសន្តិវិធី ផ្អែកលើបច្ចេកទេសនិងច្បាប់អន្តរជាតិ ដើម្បីពន្លត់បញ្ហាជាជាងអង្គុយបក់ផ្សែង។ សម្ដេចសង្ឃឹមថា ភាគីថៃនឹងឯកភាពជាមួយកម្ពុជា ដើម្បីរួមគ្នាយកបញ្ហា ប្រាសាទតាមាន់ធំ ប្រាសាទតាមាន់តូច […]

សម្តេចបវរធិបតី ហ៊ុន ម៉ាណែត ៖រាជរដ្ឋាភិបាលយកចិត្តទុកដាក់ខ្ពស់ចំពោះសុខមាលភាព ជីវភាព ការអប់រំ និងសេវាសង្គមនានាជូនពលរដ្ឋ ចេញផ្សាយ ថ្ងៃទី ០២ ខែ មិថុនា ឆ្នាំ ២០២៥ MoINFO APP មានប្រសាសន៍ជម្រាបជូន សមាជរដ្ឋសភានិងព្រឹទ្ធសភា នៅព្រឹកថ្ងៃទី២ ខែមិថុនាឆ្នាំ២០២៥ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា រាជរដ្ឋាភិបាលគ្រប់ដំណាក់កាល តែងតែយកចិត្តទុកដាក់ខ្ពស់ចំពោះសុខមាលភាពរបស់ប្រជាពលរដ្ឋ ការស្តារជីវភាពរស់នៅប្រចាំថ្ងៃរបស់ប្រជាពលរដ្ឋ ដោយផ្តោតលើសន្តិសុខស្បៀង ការផ្តល់សេវាសុខភិបាល ការអប់រំ និងសេវាសង្គម សាងសំណាញសុវត្ថិភាពសង្គម។ រាជរដ្ឋាភិបាលនីតិកាលទី៧ ដែលជារាជរដ្ឋាភិបាលបន្តវេន របស់គណបក្សប្រជាជនកម្ពុជា បានដាក់ចេញនូវយុទ្ធសាស្រ្តបញ្ចកោណ-ដំណាក់កាលទី១សម្រាប់ឆ្នាំ២០២៣-២០២៨ បានកំណត់យកការអភិវឌ្ឍន៍ប្រព័ន្ធគាំពារសង្គម ។ សម្តេចនាយករដ្ឋមន្រ្តី បានគូសបញ្ជាល់ថា ដើម្បីកសាងប្រព័ន្ធគាំពារសង្គមឧ្យមានភាពរឹងមាំ ភាពធន និងប្រសិទ្ធភាពដូចសព្វថ្ងៃ រាជរដ្ឋាភិបាលបានវិនិយោគលើការកសាងមូលដ្ឋានគ្រឹះរឹងមាំសំរាប់អភិវឌ្ឍន៍ប្រព័ន្ធគាំពារសង្គម ដោយផ្តោតលើធាតុសំខាន់ៗចំនួន ៣ រួមមាន៖ទី១ ក្របខណ្ឌគតិយុត្ត និងឯកសារគោលនយោបាយ, ទី២ ប្រព័ន្ធគាំពារសង្គមឌីជីថល និងយន្តការតាមដានវាយតម្លៃ និងទី៣ ក្របខណ្ឌស្ថាប័ន […]

ក្រុមការងារអាជ្ញាធរជាតិអប្សរាសម្រុកជួសជុលស្ពានហាលខាងកើតប្រាសាទបេងមាលា ចេញផ្សាយ ថ្ងៃទី ០២ ខែ មិថុនា ឆ្នាំ ២០២៥ លោក គឹម សុធិន អគ្គនាយករងអាជ្ញាធរជាតិអប្សរា បានឱ្យដឹងនៅថ្ងៃទី០២ ខែមិថុនា ឆ្នាំ២០២៥ថា ក្រុមការងាររបស់អាជ្ញាធរជាតិអប្សរាសម្រុកជួសជុល ស្ពានហាលខាងកើតនៃប្រាសាទបេងមាលាយ៉ាងមមាញឹក ចៀសវាងការភ្លៀងខ្លាំងនាំឱ្យរំខានដល់ការងារជួសជុល។ លោកអគ្គនាយករងអាជ្ញាធរជាតិអប្សរាបានបន្តថា ភ្លៀងធ្លាក់ញឹកញាប់ ក្រុមការងារយើងប្រឹងបន្តិចទៀតដល់ផ្នែកខាងលើនឹងផុតលុយទឹកសម្រាប់ការជួសជុលហើយ។ ការជួសជុលស្ពានហាលខាងកើត ប្រាសាទបេងមាលាគឺចាប់ផ្តើមតាំងពីខែកក្កដា ឆ្នាំ២០២៤។ គម្រោងនេះក្រោមការគាំទ្រដោយមូលនិធិពិសេសកិច្ចសហប្រតិបត្តិការឡានឆាង-មេគង្គ ដែលគម្រោងជួសជុលស្ពានហាលខាងកើតនៃប្រាសាទបេងមាលា ក្នុងឧទ្យានបុរាណវិទ្យាអង្គរកម្ពុជា ហើយគ្រោងនឹងបញ្ចប់នៅខែសីហា ឆ្នាំ២០២៥។ ប្រាសាទបេងមាលាត្រូវបានសាងសង់ឡើងលើផ្ទៃដីទំហំ១៤ហិកតា ដែលស្ថិតនៅភូមិបេងមាលា ស្រុកស្វាយលើ ខេត្តសៀមរាបខាងកើតជើងភ្នំគូលែន។ ប្រាសាទបេងមាលា ត្រូវបានអ្នកស្រាវជ្រាវមួយចំនួនយល់ថា ត្រូវបានសង់ក្នុងរាជ្យព្រះបាទសូរ្យវម៌្មទី២ (សូរ្យវរ្ម័នទី២)៕

នាព្រឹកថ្ងៃទី០២ ខែមិថុនា ឆ្នាំ២០២៥ ឯកឧត្ដម សួន សុម៉ាលីន អភិបាលខេត្តព្រៃវែង និងឯកឧត្តម សុខ ផេង អនុប្រធានអចិន្ត្រៃយ៍គណៈកម្មាធិការសាខា ក្រុមការងារថ្នាក់ខេត្ត រួមជាមួយក្រុមការងារអនុសាខាស្រុក ក្រុមកាកបាទក្រហមឃុំ និងអ្នកស្ម័គ្រចិត្តភូមិ បានចុះសួរសុខទុក្ខ និងចូលរួមរំលែកទុក្ខដល់គ្រួសារសពស្រី្តមានផ្ទៃពោះស្លាប់ដោយសារជំងឺ ជាភរិយាកងទ័ពបម្រើការងារ នៅកងពលលេខ៩ នៅខេត្តព្រះវិហារ ដែលមានទីលំនៅភូមិកន្សោមអក ឃុំកន្សោមអក ស្រុកកំពង់ត្របែក ខេត្តព្រៃវែង។ ឆ្លៀតក្នុងឱកាសនេះ ឯកឧត្ដម អភិបាលខេត្ត និងក្រុមការងារ បាននាំយកនូវអំណោយដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ប្រគល់ជូនក្រុមគ្រួសារនៃសព ដែលអំណោយទាំងនោះរួមមាន÷ ផ្ទះ១ខ្នង ដែលមានភ្ជាប់ដោយប្រព័ន្ធទឹកស្អាតសម្រាប់ប្រើប្រាស់ក្នុងផ្ទះ និងកង់អគ្គិសនីចំនួន ២គ្រឿង ជូនដល់កូនៗរបស់សព ទុក្ខសម្រាប់ការប្រើប្រាស់ជាមធ្យោបាយក្នុងការធ្វើដំណើរទៅមកក្នុងការសិក្សា និងការប្រើប្រាស់ប្រចាំថ្ងៃ។ ក្នុងឱកាសដ៏សែនក្រៀមក្រំនេះ ឯកឧត្ដម អភិបាលខេត្ត សូមចូលរួមសម្តែងការសោកស្តាយជាពន់ពេក ជាមួយក្រុមគ្រួសារនៃសព ដែលបានបាត់បង់ភរិយា ម្តាយ ជាទីស្រឡាញ់ និងបាននាំមកនូវប្រសាសន៍ផ្តាំផ្ញើសួរសុខទុក្ខ និងចូលរួមរំលែកមរណទុក្ខដ៏ក្រៀមក្រំនេះ ពីសំណាក់ សម្តេចកិត្តិព្រឹទ្ធបណ្ឌិត […]

ការងារវារីវប្បកម្មរបស់ខណ្ឌរដ្ឋបាលជលផលព្រៃវែង នៃមន្ទីរកសិកម្ម រុក្ខាប្រមាញ់ និងនេសាទខេត្ដព្រៃវែង នៅថ្ងៃពុធ ២កើត ខែជេស ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថៃ្ងទី២៨ ខែឧសភា ឆ្នាំ២០២៥ ស្ថិតិផលវារីវប្បកម្ម៖ មានកសិករចិញ្ចឹមត្រីចំនួន ១៦គ្រួសារ បានប្រមូលផលវារីវប្បកម្មរួមមាន ត្រីទីឡាព្យា ០,៤០តោន ត្រីកាបឥណ្ឌា ០,៣០តោន ត្រីអណ្ដែង ១,៤០តោន ត្រីឆ្ពិន ១,៣០តោន ត្រីប្រា ៤៥,១០តោន ត្រីពោ ៧,៤០តោន ត្រីរ៉ស់ ០,៥០តោន និងត្រីក្រាញ់ ០,៣០តោន សរុបចំនួន ៥៦,៧០តោន បើគិតតម្លៃផលវារីវប្បកម្មជាមធ្យមស្មើ ៥ ១២០រៀល/គីឡូក្រាម ដោយទទួលបានចំណូលក្រៅផ្លូវការសរុប ២៩០ ៣០៤ ០០០រៀល ដែលបានលក់ចេញទៅកាន់ទីផ្សារក្នុងនិងក្រៅខេត្ត។