ឯកឧត្តម អភិសន្តិបណ្ឌិត ស សុខា និងលោកជំទាវ កែ សួនសុភី ស សុខា បានអញ្ជើញបើកវគ្គបដិបត្តិធុតង្គវិបស្សនាកម្មដ្ឋាន និងសមាទានធុតង្គវត្ត

ឯកឧត្តម អភិសន្តិបណ្ឌិត ស សុខា និងលោកជំទាវ កែ សួនសុភី ស សុខា បានអញ្ជើញបើកវគ្គបដិបត្តិធុតង្គវិបស្សនាកម្មដ្ឋាន និងសមាទានធុតង្គវត្ត

ព្រៃវែង៖ នៅរសៀលថ្ងៃទី០១ ខែមីនា ឆ្នាំ២០២៦ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ស សុខា បានអញ្ជើញជាអធិបតីដ៏ខ្ពង់ខ្ពស់ក្នុងពិធីបើកវគ្គបដិបត្តិធុតង្គវិបស្សនាកម្មដ្ឋាន និងសមាទានធុតង្គវត្ត ដែលប្រារព្ធឡើងនៅវត្តពោធិរតនារាម (ហៅវត្តត្នោត) ស្ថិតក្នុងភូមិត្នោត ឃុំកំពង់ឬស្សី ស្រុកពោធិ៍រៀង ខេត្តព្រៃវែង។

<span;>​ឯកឧត្តមអភិសន្តិបណ្ឌិត បានគូសបញ្ជាក់ថា ការបដិបត្តិធុតង្គវិបស្សនាកម្មដ្ឋាន មិនត្រឹមតែជាកិច្ចការតាមផ្លូវសាសនាប៉ុណ្ណោះទេ ប៉ុន្តែគឺជាការអប់រំចិត្តឱ្យស្ងប់ ចេះអត់ធ្មត់ និងបង្កើនសតិស្មារតី ដែលជាមូលដ្ឋានគ្រឹះក្នុងការរស់នៅដោយសុខដុមរមនាក្នុងសង្គម។

<span;>​<span;>ឯកឧត្តមអភិសន្តិបណ្ឌិត បន្តថា <span;>ការថែរក្សាទំនៀមទម្លាប់ និងប្រពៃណីព្រះពុទ្ធសាសនា
<span;>ការរៀបចំពិធីនេះ ជាការបង្ហាញនូវស្មារតីសាមគ្គីភាពរវាងពុទ្ធចក្រ និងអាណាចក្រ ក្នុងការថែរក្សាវត្តប្រតិបត្តិធុតង្គ ដែលជាផ្នែកមួយយ៉ាងសំខាន់នៃធម៌វិន័យព្រះពុទ្ធសាសនា ដើម្បីឱ្យស្ថិតស្ថេរចីរកាល។

<span;>​ការផ្សារភ្ជាប់វិស័យសាសនាទៅនឹងការអភិវឌ្ឍ
<span;>ក្នុងនាមរាជរដ្ឋាភិបាល ឯកឧត្តមបានលើកទឹកចិត្តឱ្យពុទ្ធបរិស័ទ យកចំណេះដឹងពីការបដិបត្តិនេះ ទៅអនុវត្តក្នុងជីវភាពរស់នៅ ប្រកាន់ខ្ជាប់នូវអំពើល្អ និងចូលរួមចំណែករក្សាសន្តិសុខ សណ្តាប់ធ្នាប់ក្នុងសហគមន៍។
<span;>​
<span;>សូមបញ្ជាក់ដែថា៖ ពិធីនេះបានឆ្លុះបញ្ចាំងយ៉ាងច្បាស់ពីការយកចិត្តទុកដាក់ខ្ពស់របស់ថ្នាក់ដឹកនាំ ចំពោះជំនឿសាសនា និងការអប់រំផ្លូវចិត្តរបស់ប្រជាពលរដ្ឋ ដែលជាកម្លាំងចលករមិនអាចខ្វះបានក្នុងការកសាងសន្តិភាពផ្ទៃក្នុង និងសន្តិភាពសង្គម៕