ព័ត៌មានជាតិ

សម្ដេចតេជោ ហ៊ុន សែន អញ្ជើញជាអធិបតីកិច្ចប្រជុំគណៈកម្មាធិការអចិន្ត្រៃយ៍រដ្ឋសភា និងព្រឹទ្ធសភា ដើម្បីរៀបចំសមាជលើកទី១ នាពេលខាងមុខ ចេញផ្សាយ ថ្ងៃទី ១៣ ខែ ឧសភា ឆ្នាំ ២០២៥ AKP ភ្នំពេញ ថ្ងៃទី១៣ ខែឧសភា ឆ្នាំ២០២៥– សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អញ្ជើញជាអធិបតី កិច្ចប្រជុំគណៈកម្មាធិការអចិន្ត្រៃយ៍រដ្ឋសភា និងព្រឹទ្ធសភា ដើម្បីរៀបចំសមាជលើកទី១ របស់រដ្ឋសភា និងព្រឹទ្ធសភា នាពេលខាងមុខ ខណៈកិច្ចប្រជុំបានប្រព្រឹត្តិទៅនាព្រឹកថ្ងៃទី១៣ ខែឧសភា ឆ្នាំ២០២៥ នៅវិមានព្រឹទ្ធសភា រាជធានីភ្នំពេញ។

ឯកឧត្តមអភិសន្តិបណ្ឌិត ស សុខា អញ្ជើញពិនិត្យការត្រៀមក្បួនព្យុហយាត្រា នៅបណ្ឌិត្យសភានគរបាលកម្ពុជា ចេញផ្សាយ ថ្ងៃទី ១៣ ខែ ឧសភា ឆ្នាំ ២០២៥ MoINFO APP នៅព្រឹកថ្ងៃទី១៣ ខែឧសភា ឆ្នាំ២០២៥ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញពិនិត្យការត្រៀមក្បួនព្យុហយាត្រា នៅបណ្ឌិត្យសភានគរបាលកម្ពុជា សម្រាប់សម្តែងក្នុងពិធីអបអរសាទរខួបអនុស្សាវរីយ៍លើកទី៨០ ថ្ងៃកំណើតនគរបាលជាតិកម្ពុជា ដែលនឹងត្រូវប្រព្រឹត្តទៅនៅថ្ងៃទី១៦ ខែឧសភា ឆ្នាំ២០២៥ ខាងមុខនេះ៕

រសៀលថ្ងៃទី១២ ខែឧសភា ឆ្នាំ២០២៥ ឯកឧត្តម លី សុខគួង ប្រធានក្រុមការងាររាជរដ្ឋាភិបាលចុះមូលដ្ឋានឃុំកំពង់ឫស្សី និង លោក យស ស៊ីណាត អភិបាលស្រុកពោធិ៍រៀង ព្រមទាំងលោកស្រី ផាន់ សុគន្ធារី ក្រុមការងាររបស់លោកជំទាវ កែ សួនសុភី និងព្រះវិជ្ជាកោវិទ សាន ភារ៉េត លោកអភិបាលរងស្រុក លោកអធិការនគរបាលស្រុកពោធិ៍រៀង ព្រមទាំងលោក លោកស្រី អាជ្ញាធរមូលដ្ឋានឃុំកំពង់ឫស្សី បាន​និមន្ត និងអញ្ជើញចុះពិនិត្យទីតាំងដើម្បីត្រៀមរៀបចំពិធីបុណ្យឆ្លងសាលា វិបស្សនា ក្នុងវត្តពោធិរតនារាម ហៅវត្តត្នោត ស្ថិតក្នុងភូមិត្នោត ឃុំកំពង់ឫស្សី ស្រុកពោធិ៍រៀង ខេត្តព្រៃវែង ក្រោមអធិបតីភាព ដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និង​លោកជំទាវ កែ សួនសុភីនៅថ្ងៃទី១៦-១៧ ខែឧសភា ឆ្នាំ២០២៥ ខាងមុខនេះ។

ឯកឧត្តមឧបនាយករដ្ឋមន្ត្រី ស៊ុន ចាន់ថុល ដឹកនាំក្រុមការងារចេញទៅអាម៉េរិក ដើម្បីចរចាពាក់ព័ន្ធបញ្ហាពន្ធទំនិញ ចេញផ្សាយ ថ្ងៃទី ១០ ខែ ឧសភា ឆ្នាំ ២០២៥ ឯកឧត្តម ឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) និងជាប្រធានក្រុមការងារចំពោះកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគី កម្ពុជា -សហរដ្ឋអាម៉េរិក រួមដំណើរដោយលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម នាព្រឹកថ្ងៃទី១០ ខែឧសភា ឆ្នាំ២០២៥នេះ បានដឹកនាំក្រុមការងារធ្វើដំណើរទៅសហរដ្ឋអាម៉េរិក ដើម្បីចរចាលើកិច្ចព្រមព្រៀងពាណិជ្ជកម្មបដិការ រវាងកម្ពុជា និងសហរដ្ឋអាម៉េរិក ដែលនឹងប្រព្រឹត្តទៅនៅរដ្ឋធានីវ៉ាស៊ីនតោន នៅថ្ងៃទី១៣ និងថ្ងៃទី១៥ ខែឧសភា ឆ្នាំ២០២៥ ខាងមុខនេះ។

រយៈពេល៣ខែដើមឆ្នាំ២០២៥ បរិមាណព័ត៌មានក្លែងក្លាយនៅតែកើតមានច្រើនដែលគួរអោយបារម្ភ ចេញផ្សាយ ថ្ងៃទី ១០ ខែ ឧសភា ឆ្នាំ ២០២៥ MoINFO APP ឯកឧត្តម ទេព អស្ចារិទ្ធ អនុរដ្ឋលេខាធិការនិងជាអ្នកនាំពាក្យក្រសួងព័ត៌មានបានអោយដឹងថា ក្នុងរយៈពេលចំនួន១ត្រីមាសដំបូងនៃដើមឆ្នាំ២០២៥នេះ គណៈកម្មការប្រឆាំងព័ត៌មានក្លែងក្លាយរបស់ ក្រសួងព័ត៌មាន បានកត់ត្រាឃើញព័ត៌មានក្លែងក្លាយ សរុបចំនួន ៨៨៤ករណី។ យោងតាមក្រសួងព័ត៌មានបានអោយដឹងទៀតថា កាលពីត្រីមាសទី២ ឆ្នាំ២០២៤ កើតមានព័ត៌មានក្លែងក្លាយចំនួន៨៨១ ករណី ហើយកាលពីត្រីមាសទី៣ ឆ្នាំ២០២៤ កើតមានព័ត៌មានក្លែងក្លាយចំនួន៩៨៥ករណី។ ការកើនឡើងនៃព័ត៌មានក្លែងក្លាយស្របពេលដែលការប្រើប្រាស់តាមបណ្តាញសង្គម ហ្វេសប៊ុក តិកតុក តេឡេក្រាម អ៊ីនស្តាក្រាម ជាពិសេសការប្រើបច្ចេកវិទ្យាទំនើប «សញ្ញាសិប្បនិម្មិតAI» មានសន្ទុះ កើនឡើងកាន់តែខ្លាំងឡើងនៅក្នុងប្រទេសកម្ពុជា។ បរិមាណព័ត៌មានក្លែងក្លាយនេះ បានបង្កើនការព្រួយបារម្ភនៅក្នុងសង្គម ខណៈព័ត៌មានក្លែងក្លាយបានបង្កទុក្ខទោសដល់សង្គម បន្ទុចបង្អាក់ដល់ការអភិវឌ្ឍនិងបង្កអសន្តិសុខ អស្ថេរភាពចំពោះប្រទេសជាតិ។ ជាការឆ្លើយតបក្រសួងព័ត៌មានកាលពីថ្ងៃទី១ខែមេសាឆ្នាំ២០២៥បានបង្កើតយុទ្ធនាការ ប្រឆាំងព័ត៌មានក្លែងក្លាយទូទាំងប្រទេសដែលមានឈ្មោះថា «និយាយថាទេ ចំពោះព័ត៌មានក្លែងក្លាយ!»។ យុទ្ធនាការដែលមានរយះពេលពេញ១ឆ្នាំនេះ បង្កើតឡើង ក្នុងគោលបំណងផ្លាស់ប្តូរឥរិយាបទ របស់ប្រជាជន ដែលជាអ្នកប្រើប្រាស់បណ្តាញទំនាក់ទំនងសង្គម និងប្រព័ន្ធផ្សព្វផ្សាយ ទំនើប ដើម្បីទប់ស្កាត់ការរីកសាយភាយនូវព័ត៌មានក្លែងក្លាយក្នុងសង្គមកម្ពុជា។ […]

អ្នកនាំពាក្យក្រសួងព័ត៌មាន៖ មន្ត្រីព័ត៌មាន ត្រូវជំរុញបន្ថែមទៀតដើម្បីបញ្ជ្រាបនូវ «គ្រោះថ្នាក់នៃពត៌មានក្លែងក្លាយ» នៅតាមសាលារៀន សហគមន៍ និងភូមិ/ឃុំ ចេញផ្សាយ ថ្ងៃទី ១០ ខែ ឧសភា ឆ្នាំ ២០២៥ MoINFO APP “ខ្ញុំសូមជំរុញដល់ក្រុមមន្រ្តីព័ត៌មានត្រូវធ្វើសកម្មភាពឱ្យបានខ្លាំងក្លាបន្ថែមទៀត តាមរយៈធ្វើការផ្សព្វផ្សាយបញ្ជ្រាបអំពី «គ្រោះថ្នាក់នៃព័ត៌មានក្លែងក្លាយ» នៅតាមបណ្តាសាលារៀន សហគមន៍ និងដល់មូលដ្ឋានរបស់បងប្អូនប្រជាពលរដ្ឋ ដោយធ្វើយ៉ាងណាឱ្យបងប្អូនប្រជាពលរដ្ឋជាពិសេសយុវវ័យ ដើម្បីឱ្យមានការយល់ដឹងកាន់តែច្បាស់លាស់ពីគ្រោះថ្នាក់នៃព័ត៌មានក្លែងក្លាយ”។ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានថ្លែងដូច្នេះក្នុងឱកាសអញ្ជើញជាអធិបតីកិច្ចប្រជុំតម្រង់ទិសការងារព័ត៌មាន និងសាធារណមតិ និងការអនុវត្តយុទ្ធនាការ «និយាយថាទេចំពោះព័ត៌មានក្លែងក្លាយ» ដល់មន្រ្តីនៃមន្ទីរព័ត៌មានខេត្តតាកែវ នាព្រឹកថ្ងៃទី១០ ខែឧសភា ឆ្នាំ២០២៥ នៅខេត្តតាកែវ។ ឯកឧត្តមអ្នកនាំពាក្យ បានបញ្ជាក់បន្ថែមថា គិតត្រឹមត្រីមាសទី១ ឆ្នាំ២០២៥ ក្រសួងព័ត៌មាន តាមរយៈគណៈកម្មការប្រឆាំងព័ត៌មានក្លែងក្លាយរបស់ខ្លួន បានកត់ត្រា ព័ត៌មានក្លែងក្លាយចំនួន ៨៨៤ករណី។ ការកើនឡើងនៃព័ត៌មានក្លែងក្លាយស្របពេលដែលការប្រើប្រាស់តាមបណ្ដាញសង្គម ហ្វេសប៊ុក ទីកតុក តេឡេក្រាម អ៊ីនស្តាក្រាមជាពិសេសការប្រើបច្ចេកវិទ្យាទំនើប និងបញ្ញាសិប្បនិម្មិត មានសន្ទុះកើនឡើងកាន់តែខ្លាំងឡើងនៅក្នុងប្រទេសកម្ពុជា។ ដូច្នេះ […]

ឯកឧត្តម នេត្រ ភក្ត្រា អញ្ជើញជាអធិបតីពិធីអបអរសាទរខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម នៅខេត្តក្រចេះ ចេញផ្សាយ ថ្ងៃទី ១០ ខែ ឧសភា ឆ្នាំ ២០២៥ MoINFO APP ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ និងជាប្រធានកិត្តិយសសាខាកាកបាទក្រហមកម្ពុជា ខេត្តក្រចេះ នៅព្រឹកថ្ងៃទី១០ ខែឧសភា ឆ្នាំ២០២៥នេះ អញ្ជើញជាអធិបតីពិធីអបអរសាទរខួបលើកទី១៦២ (៨ ឧសភា ២០២៥) ទិវាពិភពលោកកាកបាទក្រហម និងអឌ្ឍចន្ទក្រហម និងខួបលើកទី៧០ឆ្នាំ នៃកាកបាទក្រហមកម្ពុជា ក្រោមមូលបទ «រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ពិធីនេះមានការអញ្ជើញចូលរួមពីសមាជិកព្រឹទ្ធសភា រដ្ឋសភា តំណាងរាស្ត្រ ថ្នាក់ដឹកនាំខេត្ត ព្រមទាំងថ្នាក់ដឹកនាំ សមាជិកគណៈកម្មាធិការសាខាកាកបាទក្រហមខេត្ត ប្រធានគណៈកម្មាធិការអនុសាខាស្រុក ក្រុងទាំង៧ លោក លោកស្រី នាយក នាយករងសាខា និងមន្រ្តីរាជការជាច្រើនរូប។

#Noted សកម្មភាពការងារថ្នាក់ដឹកនាំ និងមន្ត្រីជំនាញខណ្ឌរដ្ឋបាលជលផលព្រៃវែង នៃមន្ទីរកសិកម្ម រុក្ខាប្រមាញ់ និងនេសាទ ខេត្ដព្រៃវែង នៅថ្ងៃសុក្រ ១៣កើត ខែពិសាខ ឆ្នាំម្សាញ់ សប្ដស័ក ព.ស. ២៥៦៨ ត្រូវថៃ្ងទី៩ ខែឧសភា ឆ្នាំ២០២៥ មានដូចខាងក្រោម៖ ១. ពង្រឹងការអនុវត្ដច្បាប់ លោក ងិន សុខ នាយរងខណ្ឌរដ្ឋបាលជលផលព្រៃវែង បានដឹកនាំនាយផ្នែករដ្ឋបាលជលផលកំពង់លាវ និងមន្ត្រីក្រោមឱវាទ ចុះស្រាវជ្រាវត្រួតពិនិត្យទប់ស្កាត់ និងបង្រ្កាបបទល្មើជលផល នៅចំណុចប្រឡាយកំពង់ព្រីង ស្ថិតនៅភូមិតាគាត់ ឃុំសំរោង ស្រុកស្វាយអន្ទរ ខេត្តព្រៃវែង ដោយមានកម្លាំងសរុប ៦នាក់ ប្រើប្រាស់កាណូត ១គ្រឿង អនុវត្តបាន ១ករណី ពីបទនេសាទដោយប្រើឧបករណ៍ស្បៃមុង។ ឧបករណ៍ស្បៃមុងល្មើសច្បាប់ត្រូវបានបំផ្លាញចោលនៅនឹងកន្លែងនេសាទរួមមាន៖ លូស្បៃមុងចំនួន ២៤មាត់ របាំងព្រួលស្បៃមុងប្រវែង ៧២០ម៉ែត្រ បង្គោលចម្រឹង ២៤០ដើម និងបានចាក់លែងត្រីចម្រុះទម្ងន់ ១០គីឡូក្រាម ចូលទៅក្នុងដែននេសាទធម្មជាតិវិញ។ ២. ការងារវារីវប្បកម្ម កសិករចិញ្ចឹមត្រីចំនួន ២៩គ្រួសារ បានប្រមូលផលវារីវប្បកម្មមាន […]

#Noted សកម្មភាពការងារថ្នាក់ដឹកនាំ និងមន្ត្រីជំនាញការិយាល័យផលិតកម្មនិងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែង នៅថ្ងៃព្រហស្បតិ៍ ១២កើត ខែពិសាខ ឆ្នាំម្សាញ់ សប្តស័ក ព.ស. ២៥៦៨ ត្រូវនឹងថ្ងៃទី៨ ខែឧសភា ឆ្នាំ២០២៥ មានសកម្មភាពដូចខាងក្រោម៖ ១. ការងារចិញ្ចឹមសត្វ បន្តចុះណែនាំកសិករចិញ្ចឹមសត្វឱ្យចេះធ្វើអនាម័យតាមវិធានការការពារជីវសុវត្ថិភាព បាញ់ថ្នាំសម្លាប់មេរោគក្នុងទ្រុង ណែនាំការផ្ដល់ចំណីនិងទឹក ធ្វើវ៉ាក់សាំងតាមក្មវិធី និងពិនិត្យមើលការប្រើប្រាស់ឡជីវឧស្ម័ន៖ – កសិករឈ្មោះ ចាន់ សារ៉ន មានចិញ្ចឹមសត្វជ្រូកចំនួន ១០ក្បាល បានផ្ដល់ថ្នាំសម្លាប់មេរោគដល់ម្ចាស់សត្វចំនួន ១លីត្រ នៅភូមិជ្រៃសីម៉ា ឃុំជាខ្លាង ស្រុកស្វាយអន្ទរ ខេត្តព្រៃវែង។ – កសិករឈ្មោះ ជា សុវ៉ាន់ មានចិញ្ចឹមសត្វជ្រូកមេចំនួន ៥ក្បាល សត្វជ្រូកកូន ១៨ក្បាល បានផ្លល់ថ្នាំសម្លាប់មេរោគចំនួន ១លីត្រ នៅភូមិប្រហ៊ូត ឃុំត្រពំាងស្រែ ស្រុកមេសាង ខេត្តព្រៃវែង។ – កសិករឈ្មោះ អាន អេង មានចិញ្ចឹមសត្វជ្រូកចំនួន […]

ព្រឹកថ្ងៃទី១០ ខែឧសភា ឆ្នាំ២០២៥ ឯកឧត្តម សួន សុម៉ាលីន អភិបាលនៃគណៈអភិបាលខេត្ត និងលោកជំទាវ ជុន បូរ៉ានី បានអញ្ជើញជាអធិបតីក្នុងពិធីបុណ្យផ្កាប្រាក់សាមគ្គី ឆ្លងអគារទីចាត់ការសាលា ខ្លោងទ្វារ របង និងសមិទ្ធផលនានា នៅក្នុងសាលាអនុវិទ្យាល័យស្វាយបូព្រឹក្ស ដែលប្រព្រឹត្តទៅសាលាអនុវិទ្យាល័យស្វាយបូរព្រឹក្ស ស្ថិតក្នុងភូមិឆ្កែកូន ឃុំជាខ្លាង ស្រុកស្វាយអន្ទរ ខេត្តព្រៃវែង ។ ឆ្លៀតក្នុងឱកាសដ៏ថ្លៃថ្លានោះ ឯកឧត្តមអភិបាលខេត្ត និងលោកជំទាវ ក៏បាននាំយកនូវបច្ច័យផ្ទាល់ខ្លួន និងក្រុមគ្រួសារ ព្រមទាំងបច្ច័យរបស់សប្បុរសជននានា សរុបចំនួន ៨៩,៣៨0,000រៀល (ប៉ែតសិបប្រាំបួនលាន បីរយប៉ែតសិបពាន់រៀលគត់) ប្រគេនដល់ព្រះសង្ឃ ដើម្បីចូលរួមចំណែកក្នុងការលើកស្ទួយវិស័យអប់រំ និងវិស័យព្រះពុទ្ធសាសនានៅកម្ពុជា ក្នុងការអភិវឌ្ឍន៍ធនធានមនុស្សឲ្យកាន់តែមានភាពខ្លាំង ព្រមទាំងចូលរួមអភិវឌ្ឍន៍ហេដ្ឋារចនាសម្ព័ន្ធ និងសមិទ្ធផលនានានៅក្នុងសាលារៀន និងវត្តស្វាយបូរព្រឹក្សនេះ។ ដោយមានការនិមន្ត អញ្ជើញចូលរួមពី៖ ព្រះសង្ឃ ឯកឧត្តម លោកជំទាវ អភិបាលរងខេត្ត នាយក នាយករងរដ្ឋបាលសាលាខេត្ត នាយកទីចាត់ការ ប្រធានផ្នែក ប្រធានអង្គភាពចំណុះសាលាខេត្ត មេបញ្ជាការកងកម្លាំងទាំងបី ប្រធានអង្គភាពពន្ធនាគារខេត្ត លោក លោកស្រី ប្រធានមន្ទីរ […]