Author: difo

ពិធីសម្ភោធដាក់អោយប្រើប្រាស់នូវផ្លូវលំដែលទើបជួសជុលរួចប្រវែង៧,០០០ម៉ែត្ ព្រៃវែង:វេលាម៉ោង៩:១៥នាទីព្រឹក ថ្ងៃទី២៥ ខែឧសភា ឆ្នាំ២០២៥ ឯកឧត្តម ស្បោង សារ៉ាត សមាជិកគណៈកម្មាធិការកណ្ដាល ប្រធានគណៈកម្មាធិការគណបក្សខេត្ត និងឯកឧត្តម ហ៊ឺ បាវី សមាជិកគណៈកម្មាធិការកណ្ដាល និងជាប្រធានក្រុមការងារគណបក្សចុះមូលដ្ឋានស្រុកព្រះស្ដេច បានអញ្ជើញជាគណៈអធិបតីដ៏ខ្ពង់ខ្ពស់ ក្នុងពិធីសម្ភោធដាក់អោយប្រើប្រាស់នូវផ្លូវលំដែលទើបជួសជុលរួចប្រវែង៧,០០០ម៉ែត្រ ស្ដារប្រឡាយទឹកប្រវែង៥,៩៥០ម៉ែត្រ និងធ្វើទរទឹកជើងខ្អែបប្រវែង១,៧០០ម៉ែត្រ ស្ថិតនៅឃុំរំចេក ស្រុកព្រះស្ដេច ខេត្តព្រៃវែង ដោយមានការចូលរួមពី ឯកឧត្តម លោកជំទាវ លោក លោកស្រី សមាជិកក្រុមប្រឹក្សាខេត្ត អនុប្រធាន និងសមាជិកក្រុមការងារគណបក្សចុះមូលដ្ឋានស្រុក ឃុំ អនុប្រធាន សមាជិកអចិន្រ្តៃយ៍គណៈកម្មាធិការគណបក្សស្រុក ឃុំ និងបងប្អូនប្រជាពលរដ្ឋចំនួន៣៥១នាក់ ។

២០ ឧសភា ជាទិវាចងចាំ ដែលប្រជាពលរដ្ឋកម្ពុជារាប់លាននាក់បានស្លាប់ បាត់បង់សមាជិកគ្រួសារ ​រងទុក្ខវេទនាគ្រប់បែបយ៉ាង ក្នុងរបបប្រល័យពូជសាសន៍ ៣ឆ្នាំ៨ខែ២០ថ្ងៃ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងក្នុងពិធី​ សម្ពោធដាក់ឱ្យដំណើរការផ្លូវការ អាជីវកម្មរោងចក្រស៊ីម៉ងត៍របស់ក្រុមហ៊ុន ខនស៍ ខេធី ស៊ីមេន (ភ្នំពេញ) ឯ.ក. នៅភូមិមនោរម្យ ឃុំហោងសំណំ ស្រុកឱរ៉ាល់ ខេត្តកំពង់ស្ពឺ នាព្រឹកថ្ងៃអង្គារ ទី២០ ខែឧសភា ឆ្នាំ២០២៥ ថា៖ “២០ ឧសភា ជាទិវាចងចាំ” ដែលប្រជាពលរដ្ឋកម្ពុជារាប់លាននាក់បានស្លាប់ បាត់បង់សមាជិកគ្រួសារ,បាន​រងទុក្ខវេទនាគ្រប់បែបយ៉ាងក្នុងរបប ប្រល័យពូជសាសន៍ ៣ឆ្នាំ៨ខែ២០ថ្ងៃ​ដែលបានកើតចេញពីការបែកបាក់ជាតិ។ “មូលហេតុអ្វីបានជាយើងចាំបាច់ត្រូវ​រំលឹកអំពីអតីតកាលដ៏ឈឺចាប់នេះ? ព្រោះយើងចងចាំនូវការឈឺចាប់ដែលកើតចេញពីការបែកបាក់ជាតិ ហើយប្តេជ្ញាមិនឱ្យសម័យដ៏អន្ធកាលខ្មៅងងឹតនេះ កើតឡើងជាថ្មី​ នៅលើទឹកដីដ៏អស្ចារ្យរបស់យើង​ទោះក្នុងតម្លៃណាក៏ដោយ”។ ដោយឡែក, សម្តេចបវរធិបតីនាយករដ្ឋមន្ត្រី បានលើកឡើងថា ពិធីសម្ពោធសមិទ្ធផលរោង​ចក្រ​ស៊ីម៉ងត៍ដ៏ធំ នាពេលនេះ បង្ហាញយ៉ាងច្បាស់នូវការប្រែក្លាយ​ទីតាំងដែលធ្លាប់តែជា​កន្លែង​កាប់សម្លាប់ខ្មែរ, ពោរពេញដោយការ​សោកសង្រេង និង ទុក្ខលំបាកវេទនា មកជា​កន្លែងស្រស់បំព្រង, ប្រកបដោយការរីក​ចម្រើន និងការអភិវឌ្ឍ ពិសេសជាកន្លែងដែលចូលរួមចំណែកបង្កើត​ការងារជូនដល់បងប្អូនអ្នកឱរ៉ាល់ ខេត្តកំពង់ស្ពឺ […]

ពិធីបើកការដ្ឋានសាងសង់ផ្លូវបេតុងអាមេប្រវែង ១១,៧៧ ម៉ែត្រ ទទឹង ៥ ម៉ែត្រ ព្រៃវែង:ព្រឹកថ្ងៃទី២០ខែឧសភាឆ្នាំ២០២៥ លោក ចេម ប្រា អភិបាលនៃគណៈអភិបាលស្រុកពារាំង បានអញ្ជើញចូលរួមក្នុងពិធីបើកការដ្ឋានសាងសង់ផ្លូវបេតុងអាមេប្រវែង ១១,៧៧ ម៉ែត្រ ទទឹង ៥ ម៉ែត្រ កម្រាស់ ០,១៥ ម៉ែត្រ ជាថវិកាអភិវឌ្ឍមូលនិធិឃុំកញ្ចំ ក្នុងឆ្នាំ២០២៥ ស្ថិតនៅចំណុច ភូមិវាល ឃុំកញ្ចំ ស្រុកពារាំង ខេត្តព្រៃវែង ក្រោមអធិបតីភាព ឯកឧត្ដម ហេង ស៊ុក ប្រធានក្រុមការងារចុះជួយភូមិវាល តំណាង ឯកឧត្តម យ៉ាល់ ពិសិដ្ឋ ប្រធានក្រុមការងារចុះជួយឃុំកញ្ចំ ។ +សមាសភាពចូលរួមមាន៖ លោក លោកស្រីអភិបាលរងស្រុក លោកនាយករដ្ឋបាល កងកម្លាំងទាំងបី ប្រធាន និងមន្ត្រី ជំនាញចំណុះរដ្ឋបាលស្រុក អាជ្ញាធរឃុំ-ភូមិ និងប្រជាពលរដ្ឋសរុបចំនួន ២៣៥ នាក់ ស្រីចំនួន ១២៣ នាក់ ។ នៅក្នុងនោះដែរ […]

ឯកឧត្តម ជា សុមេធី ទទួលជួបសំដែងការគួរសម និងពិភាក្សាការងារជាមួយឯកឧត្តម Derek Yip ឯកអគ្គរដ្ឋទូតអូស្ត្រាលីប្រចាំព្រះរាជាណាចក្រកម្ពុជា នាព្រឹកថ្ងៃទី២០ ខែឧសភា ឆ្នាំ២០២៥ នេះ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានទទួលជួបសម្ដែងការគួរសម និងពិភាក្សាការងារជាមួយ ឯកឧត្តម Derek Yip ឯកអគ្គរដ្ឋទូតអូស្ត្រាលីប្រចាំព្រះរាជាណាចក្រកម្ពុជា នៅទីស្តីការក្រសួងសង្គមកិច្ច។ នៅក្នុងជំនួបប្រជុំនេះ ភាគីទាំងពីរបានពិភាក្សាអំពីសមិទ្ធផលនៃកិច្ចសហប្រតិបត្តិការរវាងរដ្ឋាភិបាល អូស្ត្រាលី និងរាជរដ្ឋាភិបាលកម្ពុជាលើវិស័យពិការភាព និងគាំពារសង្គម ជាពិសេស កម្មវិធីសហប្រតិបត្តិការអូស្ត្រាលី-កម្ពុជាក្នុងការផ្តល់សេវាប្រកបដោយនិរន្តរភាព និងសមធម៌ ដំណាក់កាលទី២ ហៅកាត់ថា (ACCESS 2)។ ព្រមជាមួយគ្នានេះ ភាគីទាំងពីរក៏បានលើកឡើងអំពីសារសំខាន់នៃការអភិវឌ្ឍធនធានមនុស្សសម្រាប់វិស័យគាំពារសង្គម និងពិការភាពផងដែរ។

ពិធីបើកវគ្គបណ្តុះបណ្ដាលរំលឹក ស្តីពីការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ ដល់មន្រ្តីកម្មវិធីឃុំ សង្កាត់ ក្នុងខេត្តព្រៃវែង ព្រៃវែង:ព្រឹកថ្ងៃទី២០ ខែឧសភា ឆ្នាំ២០២៥ លោកជំទាវ ឡុង គន្ធា អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាលនៃគណៈអភិបាលខេត្ត និងឯកឧត្តម ជួរ រតនៈ អគ្គនាយកមូលនិធិជាតិជំនួុយសង្គម បានអញ្ជើញជាអធិបតីក្នុងពិធីបើកវគ្គបណ្តុះបណ្ដាលរំលឹក ស្តីពីការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ ដល់មន្រ្តីកម្មវិធីឃុំ សង្កាត់ ក្នុងខេត្តព្រៃវែង ដែលប្រព្រឹត្តទៅនៅប្រជុំធំ «A»សាលាខេត្តព្រៃវែង។ ដោយមានការអញ្ជើញចូលរួមពី៖ ប្រភិភូអមដំណើរ អគ្គនាយកមូលនិធិជាតិជំនួយសង្គម ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត ប្រធានមន្ទីរអប់រំយុវជន និងកីឡា ប្រធានសាខាមូលនិធិជាតិជំនួយសង្គមខេត្ត លោក លោកស្រី មេឃុំ ចៅសង្កាត់ មន្រ្តីកម្មវិធីឃុំ សង្កាត់ ការិយាល័យអប់រំក្រុង ស្រុក សរុបប្រមាណ២៥៨រូប។

សម្តេចមហាបវរធិបតី ហ៊ុន ម៉ាណែត ​នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញចូលរួមសម្ពោធបើកឱ្យដំណើរជាផ្លូវការ “រោងចក្រផលិតស៊ីម៉ង់ត៍ របស់ក្រុមហ៊ុន ខនស៍ ខេធី ស៊ីមេន (ភ្នំពេញ) ឯ.ក” រោងចក្រស៊ីម៉ងត៍ក្រុមហ៊ុន ខនស៍ ខេធី ស៊ីមេន (ភ្នំពេញ) ឯ.ក នៅភូមិមនោរម្យ ឃុំហោងសំណំ ស្រុកឱរ៉ាល់ ខេត្តកំពង់ស្ពឺ មានសមត្ថភាពផលិតកម្មស៊ីម៉ងត៍ចំនួន ២,២លានតោនក្នុងមួយឆ្នាំ និងបង្កើតការងារផ្ទាល់ និងប្រយោលចំនួនជាង១០០០កន្លែង ។ កាបង្កើតរោងចក្រផលិតស៊ីម៉ងតិ៍នៅកម្ពុជា ជាការឆ្លើយតបទៅនិងតម្រូវការកើនឡើងនៃការកសាងសំណង់ និងហេដ្ឋារចនាសម្ព័ន្ធ ដែលពីមុនយើងតែងតែពឹងផ្អែកលើការនាំស៊ីម៉ងតិ៍ចូលពីក្រៅប្រទេស ។ គិតត្រឹមឆ្នាំ២០២៥នេះ កម្ពុជាមានរោងចក្រផលិតស៊ីម៉ងត៍ចំនួន៦ ដែលអាចផលិតស៊ីម៉ងត៍បានជាង ១១លានតោនក្នុងមួយឆ្នាំ ។ ខេត្តកំពង់ស្ពឺ ព្រឹកថ្ងៃអង្គារ ទី២០ ឧសភា ២០២៥