Author: difo

សម្តេចតេជោ ហ៊ុន សែន បន្តដឹកនាំកិច្ចប្រជុំសមាជរដ្ឋសភានិងព្រឹទ្ធសភា ដើម្បីពិភាក្សាលើប្រធានបទស្តីពីវិស័យកសិកម្ម ចេញផ្សាយ ថ្ងៃទី ០៣ ខែ មិថុនា ឆ្នាំ ២០២៥ MoINFO APP នៅព្រឹកថ្ងៃទី៣ ខែមិថុនា ឆ្នាំ២០២៥ សភានៃព្រះរាជាណាចក្រកម្ពុជា មានព្រឹទ្ធសភា និងរដ្ឋសភា បានបន្តរៀបចំកិច្ចប្រជុំសមាជរដ្ឋសភានិងព្រឹទ្ធសភា ក្រោមអធិបតីភាពដ៏ខ្ពង់ខ្ពស់របស់សម្តេចមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានសមាជរដ្ឋសភានិងព្រឹទ្ធសភា នៅវិមានរដ្ឋសភា ដោយមានវត្តមានសមាជិកសមាជ រដ្ឋសភានិងព្រឹទ្ធសភាចំនួន១៧៩រូប នៃចំនួនសមាជិកសមាជទាំងមូល។ អង្គប្រជុំបានដំណើរការដោយមានរបៀបវារៈតែមួយ គឺពិភាក្សាលើប្រធានបទទី៣ ស្តីពី វិស័យកសិកម្ម បន្ទាប់ពីបានចំណាយពេលជាង១៦ម៉ោង កាលពីថ្ងៃទី២ ខែមិថុនា ឆ្នាំ២០២៥ ក្នុងការពិភាក្សានិងអនុម័តលើប្រធានបទចំនួនពីរ គឺប្រធានបទស្តីពី ប្រព័ន្ធគំាពារសង្គមនិងប្រធានបទស្តីពី សេដ្ឋកិច្ចក្រៅប្រព័ន្ធ៕

ផ្លូវភ្លោះ “មហាវិថីសម្ដេចតេជោ ហ៊ុន សែន” សម្រេច​​ការ​សាងសង់​បានប្រមាណ ៦៥% ចេញផ្សាយ ថ្ងៃទី ០៣ ខែ មិថុនា ឆ្នាំ ២០២៥ ភ្នំពេញ ៖ បើយោងតាមការបញ្ជាក់ឲ្យដឹងពីលោក ឈឺន រិទ្ធ ចៅសង្កាត់អូរឫស្សី បានអោយដឹងថា គម្រោងស្ថាបនាផ្លូវខេត្តលេខ ៧៣ ដែលមានឈ្មោះថា “មហាវិថីសម្ដេចតេជោ ហ៊ុន សែន” មានប្រវែងជាង ៥ គីឡូម៉ែត្រ បច្ចុប្បន្ននេះសម្រេចការស្ថាបនា បានប្រមាណជា ៦៥%។ ផ្លូវ ១ខ្សែនេះ ជាផ្លូវក្រាលកៅស៊ូ ប្រភេទ AC កម្រាស់ ៧ សង់ទីម៉ែត្រ ជាប្រភេទផ្លូវភ្លោះ មានសួនច្បារលម្អចំកណ្តាល និងមានប្រវែងជាង ៥ គីឡូម៉ែត្រ ពីរង្វង់មូលព្រាបស ក្នុងសង្កាត់ក្រចេះ ឆ្ពោះទៅដល់រង្វង់មូលខ្លាស្ទុះ ស្ថិត​នៅ​ក្នុងសង្កាត់អូរឫស្សី ក្រុងក្រចេះ។ លោក ឈឺន រិទ្ធ ចៅសង្កាត់អូរឫស្សី បញ្ជាក់បន្ថែមថា […]

សមាជរដ្ឋសភានិងព្រឹទ្ធសភា ក្នុងថ្ងៃទី២ ប្រជុំពិភាក្សាលើប្រធានបទស្តីពីវិស័យកសិកម្ម បន្ទាប់ពីចំណាយពេលជាង១៦ម៉ោង ប្រជុំពិភាក្សាប្រធានបទពីរក្នុងថ្ងៃទី១ ចេញផ្សាយ ថ្ងៃទី ០៣ ខែ មិថុនា ឆ្នាំ ២០២៥ MoINFO APP នៅព្រឹកថ្ងៃអង្គារទី៣ ខែមិថុនាឆ្នាំ២០២៥ សមាជរដ្ឋសភានិងព្រឹទ្ធសភា បានបន្តកិច្ចប្រជុំ ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានិងជាប្រធានសមាជរដ្ឋសភានិងព្រឹទ្ធសភា ដោយត្រូវប្រជុំពិភាក្សាលើប្រធានបទទី៣ ស្តីពីវិស័យកសិកម្ម បន្ទាប់ពិបានចំណាយពេលជាង១៦ម៉ោង ពោលគឺការប្រជុំចាប់ពី៨ព្រឹក រហូតដល់ម៉ោង០០:២៥នាទី ឈានចូលថ្ងៃទី៣មិថុនា ក្នុងការពិភាក្សានិងអនុម័តលើប្រធានបទចំនួនពីរ គឺប្រធានបទស្តីពី ប្រព័ន្ធគំាពារសង្គមនិងប្រធានបទស្តីពី សេដ្ឋកិច្ចក្រៅប្រព័ន្ធ។ កិច្ចប្រជុំសមាជរដ្ឋសភានិងព្រឹទ្ធសភានៅថ្ងៃទី២នេះ មានវត្តមានសមាជិកសមាជដែលជាសមាជិកព្រឹទ្ធសភាចំនួន៦០អង្គ/រូបនិងសមាជិករដ្ឋសភាចំនួន១១៩អង្គ/រូប។ សម្តេចមហាបវរធិបតីហ៊ុន ម៉ាណែត នាយករដ្ឋមន្រ្តី អបដោយឯកឧត្តម លោកជំទាវជាសមាជិកសមាជិការាជរដ្ឋាភិបាលនិងឥស្សរជនជំនាញ អញ្ជើញមកធ្វើបទអន្តរាគមន៍ជូនអង្គសមាជ។ គណៈប្រតិភូគណបក្សនយោបាយនានា ដែលជាសមាជិករបស់ឧត្តមក្រុមប្រឹក្សាពិគ្រោះនិងផ្តល់យោបល់ ក៏បានចូលរួមផងដែរ។ សមាជរដ្ឋសភានិងព្រឹទ្ធសភាលើកទី១ ដែលបានប្រារព្ធធ្វើនៅពេលនេះ គឺជាព្រឹត្តិការណ៍ប្រវត្តិសាស្រ្ត បម្រើឱ្យឧត្តមប្រយោជន៍ប្រទេសជាតិនិងប្រជាពលរដ្ឋ ស្របតាមរដ្ឋធម្មនុញ្ញនៃព្រះរាជាណាចក្រកម្ពុជា និងច្បាប់ស្តីពី ការរៀបចំនិងការប្រព្រឹត្តទៅនៃសមាជរដ្ឋសភានិងព្រឹទ្ធសភា ក៏ដូចជាបទបញ្ជាផ្ទៃក្នុងនៃសមាជរដ្ឋសភានិងព្រឹទ្ធសភា បានបង្ហាញពីស្មារតីទទួលខុសត្រូវ កិច្ចសហប្រតិបត្តិការជិតស្និទ្ធ រវាងស្ថាប័ននីតិប្បញត្តិនិងនីតិប្រតិបត្តិនិងភាគីពាក់ព័ន្ធក្នុងបុព្វហេតុបម្រើឧត្តមប្រយោជន៍របស់ប្រជាពលរដ្ឋនិងប្រទេសជាតិ។ […]

សម្តេចបវរធិបតី ហ៊ុន ម៉ាណែត គូសរំលេចថា រាជរដ្ឋាភិបាលបានកំណត់គោលនយោបាយ សាមញ្ញ៤ចំណុចសម្រាប់ជំរុញការអនុវត្ត ចេញផ្សាយ ថ្ងៃទី ០៣ ខែ មិថុនា ឆ្នាំ ២០២៥ MoINFO APP សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសរំលេចថា រាជរដ្ឋាភិបាលបានកំណត់គោលនយោបាយ សាមញ្ញ៤ចំណុចសម្រាប់ជំរុញការអនុវត្ត។ នៅក្នុងបទអន្តារគមន៍ក្នុងសមាជរដ្ឋសភានិងព្រឹទ្ធសភាថ្ងៃទីពីរ នៅព្រឹកថ្ងៃអង្គារទី៣ ខែមិថុនាឆ្នាំ២០២៥ ក្រោមប្រធានបទទី៣ ស្តីពីវិស័យកសិកម្ម សម្តេចបវរធិបតី បានលើកឡើងថាគោលនយោបាយ ទាំង៤ចំណុចនោះ រួមមាន៖ ១. គោលនយោបាយមានហូប ដើម្បីធានាសន្តិសុខស្បៀងសម្រាប់គ្រួសារកសិករនិងប្រជាពលរដ្ឋទូទាំងប្រទេសកម្ពុជា ២. គោលនយោបាយមានប្រើ ដើម្បីបង្កើនផលិតកម្មក្នុងការបំពេញតម្រូវការការប្រើប្រាស់គាំទ្រដល់មូលដ្ឋានឧស្សាហកម្ម និងកែច្នៃក្នុងស្រុក ៣. គោលនយោបាយមានបាន ដើម្បីគាំទ្រលើកទឹកចិត្តដល់ប្រជាកសិករក្នុងការអនុវត្តផលិតកម្មកសិកម្មដែលផ្ដល់ប្រាក់ចំណូលខ្ពស់ដូចជាផលិតផលស្វាយចន្ទី ទុរេន ចេកស្រស់ ផ្លែមៀន ដូងប្រេង កៅស៊ូជាដើម និង៤. គោលនយោបាយមានរហូត ដើម្បីយកចិត្តទុកដាក់ជារហូតនិរន្តភាពនៃសេដ្ឋកិច្ច និងបរិស្ថាន៕

សម្ដេចបវធិបតី​ នាយករដ្ឋមន្ត្រី៖ លទ្ធផលនៃការអភិវឌ្ឍវិស័យកសិកម្ម បាននឹងកំពុងចូលរួមចំណែកគាំទ្រដល់ការអនុវត្តយុទ្ធសាស្ត្របញ្ចកោណដំណាក់កាលទី១ សម្រាប់បង្កើនសមត្ថភាពទាញយកអត្ថប្រយោជន៍ពីបរិវត្តន៍កម្មឧស្សាហកម្មទី៤ និងការបង្កើតបរិវត្តន៍កម្មឧស្សាហកម្មឌីជីថលនៃសេដ្ឋកិច្ចសង្គមកម្ពុជា​ ក្នុងគោលដៅឆ្លើយតបទៅនឹងតម្រូវការលើកកម្ពស់ផលិតផល​ ប្រសិទ្ធភាពសេដ្ឋកិច្ច ដែលជាមូលដ្ឋានគ្រឹះ​ និងមធ្យោបាយដ៏សំខាន់ចាំបាច់ក្នុងការសម្រេចបានចក្ខុវិស័យកម្ពុជាឆ្នាំ ២០៥០ ។

សម្តេចតេជោ ប្រធានព្រឹទ្ធសភា និងជាប្រធានសមាជរដ្ឋសភា និងព្រឹទ្ធសភា៖ អង្គសមាជបានសម្ដែងការគាំទ្រ ដោយមានសមាជិកសមាជិកាព្រឹទ្ធសភា និងរដ្ឋសភា ក្នុងចំនួនសំឡេង ១៨២សំឡេង អនុម័តលើសេចក្ដីថ្លែងការណ៍ចំពោះចំណាត់ការរបស់ សម្តេចធិបតីនាយករដ្ឋមន្ត្រី ក្នុងការប្ដឹងរឿងបញ្ហាព្រំដែនជម្លោះរវាងកម្ពុជាថៃ ទៅតុលាការអន្តរជាតិ (ICJ)។ 📱 App iOS 📱 App Android

សម្តេចបវរធិបតី ហ៊ុន ម៉ាណែត៖ រាជរដ្ឋាភិបាលមានលទ្ធភាពគ្រប់គ្រាន់ក្នុងការផ្តត់ផ្គង់កងទ័ពនៅព្រំដែន ប៉ុន្តែការជួយគាំទ្រពីប្រជាពលរដ្ឋ គឺជាការផ្តល់កម្លាំងចិត្តដ៏ធំធេងដល់កងទ័ព ចេញផ្សាយ ថ្ងៃទី ០២ ខែ មិថុនា ឆ្នាំ ២០២៥ MoINFO APP ក្នុងសមាជ រដ្ឋសភា-ព្រឹទ្ធសភា នៅព្រឹកថ្ងៃ ទី២ ខែមិថុនា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវដល់ខ្មែរគ្រប់និន្នាការបញ្ឈប់សកម្មភាពដែលធ្វើឱ្យប៉ះពាល់ដល់ទឹកចិត្តទ័ព និងការសាមគ្គីជាតិ។ សម្តេចធិបតី នាយករដ្ឋមន្រ្ដីបានថ្លែងថា រាជរដ្ឋាភិបាលមានលទ្ធភាពគ្រប់គ្រាន់ក្នុងការផ្តត់ផ្គង់កងទ័ពនៅព្រំដែន ប៉ុន្តែការជួយគាំទ្រពីប្រជាពលរដ្ឋគ្រប់មជ្ឈដ្ឋាន គ្រប់ទីកន្លែង គឺជាការផ្តល់កម្លាំងចិត្តដ៏ធំធេងដល់កងទ័ព។ សម្តេចធិបតីក៏បានអំពាវនាវដល់ប្រជាពលរដ្ឋខ្មែរបន្តឧបត្ថម្ភគាំទ្រដល់កងទ័ពផងដែរ។ សម្តេចធិបតី បានបញ្ជាក់ថា៖«ខ្ញុំសូមអំពាវនាវបន្ត និងរួមគ្នាក្នុងការលើកទឹកចិត្តកងកម្លាំង ហើយពេលជាមួយគ្នា ក៏ខ្ញុំសុំអំពាវនាវសាជាថ្មីចំពោះបងប្អូនប្រជាពលរដ្ឋខ្មែរមួយចំនួន បើទោះមាននិន្នាការណាក៏ដោយ សូមកុំធ្វើសកម្មភាពណាដែលប៉ះពាល់ដល់ទឹកចិត្តរបស់កម្ពុជាយើង»។ សម្តេចបានបន្តថា៖«ពេលនេះជាពេលដែលប្រទេសជាតិយើងទាំងមូលត្រូវរួមគ្នា ដើម្បីត្រៀមលក្ខណៈការពារជាតិ ការពារទឹកដីរបស់យើង ជាពិសេសរួមគ្នានៅក្រោយកងទ័ពរបស់យើង ដើម្បីការពារទឹកដី។ រឿងនយោបាយ យើងនិយាយពេលផ្សេង ប៉ុន្តែនិយាយអ្វីដែលប៉ះពាល់ដល់ទឹកចិត្ត និងស្មារតីរបស់បងប្អូន សុំលុបទៅ។ មិនមែនពេលកេងចំណេញនយោបាយផ្ទៃក្នុង ប្រឆាំងគ្នាឯងនោះទេ ប៉ុន្តែជាពេលមូលមតិគ្នា មូលចិត្ត […]

សម្ដេចតេជោ ហ៊ុន សែន៖ បើសិនជាមិនទៅឱ្យតុលាការកាត់ក្ដីទេករណីនៅតំំបន់មុំបី ដូចគ្នានៅតំបន់កាហ្សា រវាងប៉ាឡេស្ទីន និងអ៊ីស្រាអែល ដោះអត់ចប់ទេ ហើយវ៉ៃគ្នារហូត ចេញផ្សាយ ថ្ងៃទី ០២ ខែ មិថុនា ឆ្នាំ ២០២៥ MoINFO APP សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានសមាជព្រឹទ្ធសភា និងរដ្ឋសភានៃ ព្រះរាជាណាចក្រកម្ពុជាបានថ្លែងថា បញ្ហាព្រំដែនកម្ពុជា-ថៃ បើសិនជាមិនទៅឱ្យតុលាការយុត្ដិធម៌អន្ដរជាតិ(ICJ ) កាត់ក្ដីទេ ករណីនៅតំប​ន់មុំបី ដូចគ្នាទៅដូចជាតំបន់កាហ្សា រវាង ប៉ាឡេស្ទីន និងអ៊ីស្រាអែល ដោះអត់ចប់ទេ ហើយវ៉ៃគ្នារហូត។ ការថ្លែងរបស់សម្ដេចតេជោប្រធានព្រឹទ្ធសភាបែបនេះ ក្នុងកិច្ចជុំគណៈកម្មាធិការសមាជរដ្ឋសភា និងព្រឹទ្ធសភា នៃព្រះរាជាណាចក្រកម្ពុជា នាព្រឹកថ្ងៃទី០២ ខែមិថុនា ឆ្នាំ២០២៥ ។ សម្ដេចតេជោ ហ៊ុន សែន បានមានប្រសាសន៍ថា ស្ថានភាពនេះយើងអត់បោះបង់ចោលយន្ដការនៃការចរចាណាមួយទេ ប៉ុន្ដែការចរចាលើកនេះ យើងនឹងបបួលភាគីថៃ យកចំណុចរសើបទាំង៤កន្លែង ក្នុងការដោះស្រាយបញ្ហាអធិបតេយយ្យភាពនៅតំបន់មុំបី ប្រាសាទតាមាន់ធំ ប្រាសាទតាមាន់តូច […]